CHAPITRE PREMIER

Secons, Buridant, et plusieurs aultres philosophes sages et de grand renommée de science. Et Jupiter, qui fut si subtil homme en l'isle de Crète, que il trouva et enseigna la manière de prendre les oyseaulx volans en l'air, les poissons nouans en la mer et es eaues doulces, et les bestes saulvages des boys et des forestz, et duquel plusieurs folles gens cuydoient qu'il fust dieu. Le roy Detes qui par science fist faire le mouton à la toison d'or. Ceulx qui firent faire le Dieu Hamon en Lybie en forme de mouton, ne aultres qui ayent traicté au temps passé des hystoires, si comme iMoyses qui fist le Penthateuque; Esdras l'escrivain, Neemias, Solinus, Pier. le iMengeur, ne aulcuns des hystoriographes du temps passé; Neys le chétif; Helynant, moyne de Froitmont, qui n'avoit dont il peust acheter seulement du parchemin pour escrire les faitz de ses croniques, ne vouldrent ou n'osèrent oncques traicter de cette matière présente, ou par aventure ne le vouldrent pas dire ne révéler à leurs chers compaignons et

■iG LE BON BERGER

amys pour la gloire de caste grande science. Si la doit-on bien nommer nouvellete'.

Et ne soit merveille à aulcun de ce que dict est cy dessus, ne murmure n'en soit faicte contre ledict de Brie. Car il ne procède pas par vanterie, par jactance, ou par orgueil pour acquérir vaine gloire, ne pour cuyder que il sache plus que les aultres : mais seulement pour conforter et soustenir ses opinions en raison et en vérité.

Et jaçoit ce que Marcus Terentius Varro à leur temps escrivirent aux Latins plusieurs livres sans nombre : et Calaterius fut moult exaulsé de la multitude de ses livres qu'il escrit aux Grejoys. Et que Origènes en labour de ses escritures surmontast tant les Grejoys comme les Latins ou grand nombre de ses œuvres. Et que Sainct Hierosme, comme l'on dict, fist des livres jusques au nombre de six milliers. Et que Sainct Augustin, avec Pamphile le