CHAPITRE PREMIER

martyr, duquel Sainct Euzebe de Cezarie escrit la vie, fîst xxx milliers de volumes de livres et vainquit tous les dessus nommez en labour de faire livres ; car il en escrit tant de jour et de nuict que à peine le pourroit-on croire qui ne l'auroit veu. Et que Ptholomes, roy de Egypte, qui fut surnommé Filadelphus et qui tout passa, en fist faire en son temps lxx milliers de volumes, et tint par long temps les LXX interprètes qui lors estoient : néantmoins l'on ne treuve pas ne pourroit trouver cest présent traicté en aulcun de leurs livres. Si semblera bien que ce soit nouvelle chose. Et pour le bien publique ledict Jehan de Brie, du commandement du souverain seigneur et prince des Chrestiens, a entrepris en soy le fais et la hardiesse de ce faire; car audict seigneur, à sa haultesse et noblesse, tous secretz de sciences doivent estre interprétez et manifestez, référez et révélez.

Et en oultre, quand ledict de Brie eut esté ainsi licencié et maistre en ceste

science de bergerie et qu'il estoit digne de lire en la rue au feurre, auprès la cresche aux veaulx, ou soubz l'ombre d'ung ourmel ou tilleul derrière les brebis, lors vint demourer au Palais royal, en rhostel de Messire Arnoul de Grant- Pont, trésorier de la Saincte Chapelle royalle à Paris. Et en l'hostel dudict trésorier ledict de Brie comme pasteur voulant donner bon exemple aux aultres, par bonne et vraye humilité, lava les escuelles par plusieurs foys. Jaçoit ce que dès lors il eust acquis, commue dict est, toutes les facultez en sa science. Et continua depuis au service dudict trésorier tout le résidu du temps que ledict trésorier vesquit. C'est assavoir par quatorze ans ou environ. Et après la mort du trésorier, Jehan de Brie, joyeux de Tabitation des hostelz du Palais à Paris, ne se transporta pas loing. Et alla demourer en l'hostel de maistre Jehan de Hetomesnil, conseiller du roy nostredit seigneur, maistre des requestes de son hostel, et chanoine de ladicte Saincte Chapelle royalle. Avecqucs lequel il a