DE L UTILITE ET PROUFFIT DE CE TRAICTÉ

ous lisons que Dieu le tout puissant fist et créa les pères de ce monde, des cieulx et des élémens, et qu'il forma l'homme sur la terre et que, entre les aultres grans dons qu'il fist à l'homme par sa grâce, il luy donna

bestes nommées oeilles portans laine, et les soubmist et abandonna à l'homme pour ses alimens et nourriture, et pour aultres ses nécessitez à son proufîit. Et de ce parle le royal prophète David, en son psaultier, ou septiesme vers du huictiesme pseaulme. Dieu (ce dit-il), tu as toutes choses soubmises soubz les piedz de l'homme, oeilles, boeufz et vaches et tous les bestiaulx des champs. Assez est bon à croire et devons entendre que la vie qui fait remuer et végéter l'esprit et le corps, par iceluy nous est donnée des cieulx de lassus et par eulx est gouvernée. Et la nourriture et pasture nous est donnée des élémens, comme nous le voyons : car nous usons des oyseaulx et volatilles de l'air et des bestes animalles, oeilles, et des fruictz, semences, plantes, herbes et racines de la terre, des poissons de la mer et des rivières et eaues doulces. Le feu aussi y est convenable et nécessaire pour chaleur, pour mouvement et conservation de la génération, pour recouvrer la corruption, pour cuire les viandes, pour ayder à la dige-

stion et pour aultres choses qui sont de sa proprie'té. Or doit l'homme rendre grâces à Dieu son créateur de tous ses bénéfices. Et mesmement des oeilles qu'il a soubmis (comme dit est) à l'usage et prouffit de l'homme, dont tant pour le don de Dieu qui fait les gens et personnes de si grand honneur et de telle dignité que ilz sont comme pour le prouffit et utilité des oeilles. Chascun pasteur de quelconque dignité, authorilé ou prééminence que soit, est tenu de garder et deffendre ses oeilles et bestes, qui sont soubz sa cure et en sa subjection, de tous ennemys visibles et invisibles, et leur doit donner santé et faire secours contre tout ce qu'il leur pourroit nuyre. La raison et la cause mouvans de l'utilité et prouffit est très-clère et très-démonstrative et prouvable.

Premièrement, de la laine et tonsure de l'oeille sont faits les draps desquelz les princes, les roys et grans seigneurs et toutes les personnes de l'humain genre sont vestuz, et de quoy nostre humanité est couverte communément.