CHAPITRE III

les figures des anciens, est assez tesmoigne' : que l'en doit moult honorer Testât des pasteurs et de la bergerie. Car, comme on list en Genèse : Abel fut le premier bergier et pasteur des oeilles et offrit à Dieu don acceptable. Et quant les gens commencèrent à croistre et multiplier sur terre, leur première chevance et leur premier gouvernement dont ilz montoient à honneur, puissance et en estât de vivre, fut de la nourriture des bestes. Les patriarches et aulcuns roys anciennement furent bergers et pasteurs, et gardèrent les oeilles et bestes à laine en leurs propres personnes. Des patriarches il n'est point de doubte qu'ilz ne fussent bergers, comme Abraham, Ysaac et Jacob. Et principalement Jacob, duquel yssirent les douze lignées d'Ysrael, fut berger par long temps et moult expert en la doctrine et science de garder oeilles. Celuy Jacob servit Laban son oncle et garda ses oeilles par sept ans, en espérance d'avoir à femme Rachel, la fille dudict Laban. Et quand il faillit à son intention et que l'aultre fille

nommée Lya luy fut donnée en lieu de Rachel, il fut berger audit Laban par aultres sept années, pour avoir ladicte Rachel. Et pour son loyer lui fut octroyé par ledict Laban qu'il auroit toutes les oeilles et brebis qui seroient tachées, vairolées ou grivelées. Si applica ledict Jacob sa malice à ce que au moys de Septembre que les moutons saillent et luysent les brebis portières, selon la condition de leur nature, Jacob leur mettoit au devant choses de diverses couleurs opposites, comme blanc et noir, pers et jaulne , rouge et vert, ou semblables choses ; et mesmement il peloit d'ung lez les verges et bastons des saulx ou aultres arbres, et, à Taultre lez, laissoit l'escorce, pour donner ymaginacion auxdictes brebis, moutons, en luisant et saillant, affin que les portières, en regardant la diversité, conceussent faons et aigneaulx tachez, vairolez , ou grivelez de diverses couleurs, et que, par ce, il demourassent au prouffit dudict Jacob : dont par sa cautelle il fut moult enrichi.