CHAPITRE III

Juda, le filz dudict Jacob, duquel issirent les roys d'Ysrael, fut bergier. Et est vray que, quant il alloit faire tondre ses brebis, en la saison , sa femme Thamar estoit reposée, ou chemin, en une logette, et se estoit déguisée et descon- ::neue. Juda ne savoit pas que ce fust Thamar sa femme ; toutesfois engendrail lors en elle deux enfans Phares et Zaran. Et depuis qu'il sceut qu'il avoit esté déceu, et qu'il avoit péché par manière de fornication, il se repentit et ne voulut oncques puis retourner à ladicte Thamar.

Ce faict est bien à noter pour les pasteurs, affin que ilz se gardent de fornication.

Moyses fust bergier et garda les brebis. Et après ce qu'il eut occis ung Egyptien et l'eut caché ou sablon, il s'en fouit en l'isle de Elcopoleos, et trouva lors Sephora , fille de Jetro le prestre de la loy, laquelle avoit besoing d'ayde à abruver ses oeilles pour le chault et pour la presse des pasteurs qui estoient environ le pays, et Moyses luy

ayda à abruver ses bestes, et, depuis, la prit à femme. Moyses gardoit les oeilles quant il vit la flamme du buisson ardent, duquel il n'eut rien ars ne brusié.

David gardoit les brebis quand il fut esleu pour aller combatre à Golias de Jeth, le fort ge'ant, lequel il déconfist par la pierre qu'il jecta de la fonde, et, depuis, fut David roy d'Ysraël après Saul. Saiil mesmes avoit garde' les bestes. et les asnes et les asnesses de son père, ainçois qu'il fust roy. Cyrus fut berger et garda les brebis; les pastoureaux en firent leur roy et venoient à luy aux jugemens. Et depuis fut-il roy de Perse et de Mède et destruit Babilone la grand : et fist moult de grandes proesses. Assez y pourroit - on mettre et assigner des exemples. Et par les dessusdictz est assez prouvé, attendu que tant de vaillans hommes furent bergers, que l'on doit bien faire et porter honneur aux loyaulx pasteurs et bergers entrans par le droit huys en la bergerie.