DES REIGLES GENERAULX

uicoNQUEs se veult entremettre de l'art de bergerie, il doit , sans enfraindre , tenir, garder et maintenir solennellement les reigles qui cy après seront récitées générallement : car elles sont convenables, nécessaires et prouffitables. Premièrement, les aigniaux qui sont jeunes et tendres doivent estre traictez amyablement et sans violence : et ne les doit-on pas férir ne chastier de verges, de basions, de corgies, ne d'autres manières de bastures qui les puissent blecer ou froisser : car ilz en descroistroient et seroient maigres et chétives. Mais, par introduction et chastiement, les doit-on mener doul-

cernent et amyablement. Item, quand les aigniaux sont creuz et nourris, que ilz peuvent souffrir discipline, ilz doivent estre menez et corrigez par la houlette de terre légière, ne on ne leur doit faire moleste jusques à tant qu'il ont esté tonduz la première fois. Et les doit-on laisser faire et démener à leur volunté. Et ainsi prennent-ilz amendement et acroissement : car, par la légière correction, se tournent à obéissance et à aller partout où le bergier les veult mener et conduire.

Les bestes antenoises, portières, brebis, moutons, chastrez et toutes autres, doit-on chastier et corriger des corgies de cuir ou de cordelles menues, pource que aucunes en y a si paresseuses que, de leur gré, ne veulent yssir hors de l'estable. Si advient souvent qu'il en convient tirer.i aucunes hors par violence au crochet du bout de la houlette, pour yssir et aller devant. Et l'en fiert et bat les autres des corgies, pour les esmouvoir et haster à suyvir les autres, affin que tout le fouc se parte de l'estable et isse hors ensem-*^