CHAPITRE IV

ble, pour aller en pasturage, là où le bergier les veult mener.

Et ainsi par corgies et autres molestes, convient corriger et contraindre aucuns qui ne veulent recevoir discipline, ne eulx mettre à obéissance.

Item, quand les oeilles repairent de leurs pastis, mesmement ou temps d'esté, depuis May jusques en Septembre, le bergier ne les doit pas mettre es estables incontinent. Mais les doit conduire tout le pas à grant loysir et les doit umbrager et refroidir soubz ung ourmel, ou tilleul, ou autre arbre spacieux, se aucuns en a près des estables et bergeries. Et sinon il y doit pourvoir par autre voye et manière convenable, pour l'aysement des bestes, pour remédier à leur chaleur. Le bon remède contre la chaleur des bestes, est de curer et nettoyer les estables et oster le fiens, pour refroidir les bestes et les tenir freschement. Et se c'estoit à la venue de prangiere vers midy ou heure de nonne, et le soleil jettoit ses rais par Thuys de la bergerie, le pasteur doit clorre l'huys et doit pour-

veoir d'eaue fresche et froide pour espandre et jetter à l'entrée de l'huys et ailleurs par Testable, pour le lieu refraischir et refroidir, pour donner tempérence contre la chaleur aux bestes et oeilles, qui de leur nature sont chauldes et sèches en complexion; par quoy la chaleur est nuysant et contraire. Et, toutesfois, soit tenu pour règle que, ou mois de May, l'on ne doit pas curer les estables des bergeries, pource que les humeurs, qui lors yssent de la terre plus habondamment que en aultre saison, se montent aux parois et maisières des bergeries et estables et engendrent corruption au berçai, par maulvaise feteur et odeur, plus que en aultre temps : car, en temps d'hyver, la gele'e et froidure dégaste telles humeurs et feteurs, et ne peuvent tant nuyre comme en May. Et la raison est que la terre oeuvre lors ses conduictz et jette les superfluitez de ses entrailles plus habondamment. Si est le meilleur et plus expédient de laisser le fiens es estables aux oeilles audict mois de May, que de l'ester. Car l'humeur de la terre