CHAPITRE V

DE LA MANIÈRE DE COGNOISTRE LE TEMPS PAR LES OYSEAULX, ET DE SAVOIR DU BEAU TEMPS OU DE LA PLUYE

ÉCEssAiREMENT appartient et convient que le berger ayt cognoissance du temps : et pour avoir de ce aulcuns enseignemens, il doit avoir considération à plusieurs choses.

Des Estourneaulx

En temps d'hyver advient souvent que les estourneaulx se assemblent à grans tourbes et volent ensemble, et aulcunes fois se assient sur ung ourmel ou aultre grand arbre. Si doit le berger avoir regard comment les estourneaulx se partent de dessus l'ourmel : car quand ilz se partent tous ensemble à une volée, ce signifie grand froidure. Et se ilz partent par petites volées Tung après l'aultre, ce est signe de pluye.

Du Héron

Quand le héron se liève de sa pasture et il se escrie hault au lever, ce est signe de fort et dur temps. Se il vole contre le vent de bise, ce signifie grand froidure. Se il vole contre le vent d'aval que les bergers appellent plungel, ce signifie pluye. Se le héron à son retour de son vol se rassiet près du lieu dont il est party, ce est signifiance que le temps des-