CHAPITRE V

susdit est à advenir prochainement. Se il vole et se rassiet loing de là où il se leva, la mutation dudict temps sera diffe're'e et ne adviendra pas si tost.

De VAronde

Quand l'aronde vole bien hault et par loisir à longs traictz, ce signifie pluye. Et quand elle vole bas et hastivement près de terre, ce est signe foison de pluye. Et quand elle est en l'air, soy esbatant, querant les mouchettes, ce signifie beau temps.

Du Huas

Le huas, que l'on appelle escoufle, est ung oyseau qui a manière et coustume de siffler et crier en l'air, et ce peult estre pour deux causes. L'une est quand il a faim : et lors crie-il et siffle plus aigrement. L'autre cause est à quoy le berger doit avoir considération, qui fait au significat du temps. Car quand il crie plus bassement et molement, en disant : huy, huy, huy, il annonce la pluye.

De VEspec

De l'oyseau que l'on nomme l'espec ou pvvart, peult-on faire semblable jugement, comme il est dict de l'escoufle ou huas : car il crie et hannist forment quand il doit plouvoir.

De la Verdière

Toutesfois que la verdière met à point ses plumes et les applanoye de son bec, ce est vray signe de pluye. Geste signification est souvent esprouvée par les bergers qui ont regard audict oyseau.

Et est appele'e verdière, pour la couleur de ses plumes, dont plusieurs sont de verte couleur.

Du Butor

Ung aultre oyseau y a que l'on nomme butor : aulcuns l'appellent bruitor. Il a long bec et agu, et habite es mares et té prez : sur les rivières, ainsi que fait le