CHAPITRE V

héron, et ne chante fors que en temps d'esté, et est sa voix oye de bien loing. Quand il doit faire beau temps il chante haultement et donne si grand son et tel bondissement de sa voix, que, par nuyt, on le pourroit oyr de plus de demye lieue loing. Et quand il doit plouvoir, il chante plus bas et plus lentement et ne rentpas >i grand son.

De la Pye

La pye, que aulcuns nomment agache, est moult malicieuse, et en pronostications est une droicte sebille ; mais chascun berger n'entend pas son langaige ; aulcunesfois par sa criée annonce-elle le beau temps et aulcunes fois la pluye. Et combien que elle soit assez tricheresse, toutesfois principallement quand elle brait et agache et crie souvent et continuellement et se tient près des hayes ou buissons, en démenant sa noise, ce signifie qu'il y a loup, ou regnart, ou aulcune maie beste, assez près.

De la Corneille

La corneille annonce souvent la pluyc par son cry, auquel cry le subtil berger doit avoir regard, car il se diffère en aulcunsmotz. Et aulcunesfois, au matin, quand il doit plouvoir, elle prononce une manière de cry et semble que elle die : glaras, glaras : et ce signifie pluye; mesmement quand il est prononce' par la corneille bise que l'on nomme faissie; et vient tousjours contre l'hyver temps, quand les arondes se partent de ceste région. Et aussi s'en de'part et s'en va mucier et respondre, quand les arondes viennent, en la nouvelle saison, qui commence h l'entrée d'Avril. Ces oyseaulx et plusieurs aultres qui volent en l'air, savent du temps par la divine pourveance. Et aussi voit-on que les coulons s'en retournent moult roidement à leur coulombier. Et quand il viennent ainsi volant en grand haste, ce signifie tempeste ou grosse pluye advenir prochainement. Si doit le berger considérer diligemment les choses