CHAPITRE VI

berger ou pastoureau gardant fouc d'oeilles, doit avoir ung mouton débonaire et assoté, auquel il donne de son pain : lequel mouton, par mignotise et pour estre mieux cogneu entre les aultres, porte une sonnette ou petite clochette de laton à son col : pourquoy en Brie il est appelé le sonnaillier, et en aulcuns aultres pays est nommé clocleman. Celuy mouton de sa nature cognoist partie de prenostique ou de augur du beau temps ou de la pluye : car, quand il doit faire beau temps, il se liève premier et vient premier à Thuys de l'estable pour yssir hors et aler en pasturaige. Quand il doit plouvoir et faire laid temps, il se tient par derrière les aultres, et monstre, à sa contenance, qu'il n'ayt pas volunté d'yssir. Et, au soir, quand il vient en l'estable et il doit faire froidure, il hérice sa laine et se esqueult, tellement que on l'entend bien au son de la petite clochette. Aulcuns dient que quand le chat liève son visage et lesche ses piedzde sa langue, se il met son pied par dessus l'oreille, ce signifie pluye.

Mais de si orde beste ne doit-on pas parler en ceste partie, car par moult d'aultres peult-on avoir enseignement.

Les chevaulx, les jumens, les asnes et asnesses qui portent le charbon, le fruict et aultres petites denrées aux pauvres gens, trepent et regibent quand les mouches ou les guêpes les poingnent et piquent, et ceulx qui les meinent souloient dire que ce sont signes de pluye et de mutation de temps.

Par meilleures et plus subtilles raisons peult le berger cognoistre du temps, par ce que il convient que chascun jour, en temps convenable, il voyse sur les champs mener ses oeilles en pasture. Et quand Phebus qui, par sa clarté, enlumine tout le monde, se démonstre au matin es parties d'Orient, le berger le voit tournier et aler tout le jour par son sercle, en faisant son mouvement, en soy eslevant vers midy, que aulcuns appellent auster, et puis descendre petit h petit jusques en Occident. Et, en faisant tel chemin en nostre emyspère, est mené en moult