CHAPITRE VI ?g

noble et moult riche char, attelé de quatre grans et puissans destriers, de si très-grand valeur que nulz hommes mortelz ne les pourroient extimer. L'ung de ces nobles chevaulx qui mainent le soleil est nommé Eoiis et vient devant droit à l'aube du jour, jusques environ heure de tierce. Et pource que ces beaulx chevaulx se monstrent de plusieurs couleurs, le berger doit considérer que se Eoiis appert vermeil et ardant au matin, ce signifie pluye et mutation de temps. Et quand il se monstre plus blanc, ce est signe de beau jour. Et les pèlerins qui cheminent en font feste, quand ilz le voient. Après, vient l'aultre cheval qui est nommé Ethous : lequel fait son service au soleil environ heure de midy. Et quand il se monstre de pale couleur, ce est bon signe de beau jour. Et, après midy, sort le tiers cheval attelé au noble char du soleil, lequel cheval est appelé Pyrous. Et, en son venir, voit-on flamboyer et estinceller les gros yeulx reluysans de celuy Pyrous : tellement que veue de créature humaine ne le pourroit

6o LE BON BERGER

longuement regarder. Lors ne volent pas les chauves souris : car elles ne pourroient soustenir ne endurer si très-grand et noble lumière, qui si espant à l'advènementdes rais du soleil, qui ainsi suit son cours. Et quand ces deux chevaulx sont trop chaux et ardans : c'est-à-dire :

EthoUs et Pyroûs, par leur puissance et chaleur, il attraient les vapeurs de la terre et de l'eaue et les font monter en l'air. Et se ces vapeurs ainsi eslevées ne sont dégastées par aulcunes fumées : elles se assemblent et tournent en nue'es qui se forment des parcelles d'icelles vapeurs. Lesquelles nue'es de leur nature tendent à descendre et retourner ou centre. Et aulcunesfois lesdictes nue'es sont muées en pluye, et aulcunesfois en vens, aulcunesfois en neige, et aulcunesfois en grésil, selon la disposition des temps. Et ainsi peut voir le berger que par trop grand ferveur et chaleur des chevaulx dessusdictz, vient la mutation du temps. Or disons du quatriesme cheval que l'on appelle Phylogeûs : lequel fait son office en descendant ledict char du Soleil.