CHAPITRE VI 6l

Ccluy Phylogeus tent voluntiers vers les eaues, car il sort contre le vespre. A luy et à celuy du matin doit le berger prendre son augurement, cognoistre du temps.

Et la raison est que quand le soleil au matin est vermeil ou trop ardant, ce signifie pluye et lait temps. S'il est blanc, ce signifie beau temps, comme dict est. Au vespre, quand Phylogeus se va abbruver et mène le noble char du soleil en l'eaue, ou quand il est trop blanc ou pale au coucher et est environné de nuées noires ou perses, tout ce signifie pluye par nuyt ou au lendemain. Et lors ce Phylogeus en Occident est assez vermeil et l'air purgié de nuées, ce signifie beau temps. Et le proverbe commun que l'on souloie dire vulgairement et est tel : Ronge vespre et blanc matin font esjouyr le pèlerin, se concorde assez à l'exemple que le berger doit prendre es chevaulx dessusdictz. Et ceste doctrine est plus brave et plus notable assez que celle des oyseaulx ne des bestes. Et se le berger cognoissoit les corps du ciel et la cause des influences des signes et des planètes,

ce luy seroit grand avantage pour avoir cognoissance de ces choses; car, par les corps du ciel est causée et faicte toute la mutation des temps qui est faicte es élémens. Si s'en taira Jehan de Brie : et toutesfois est-il si sage que pour certain il cognoist bien le four des estoilles.