DE - LA CONSIDÉRATION DES VENS ET -LES- QUELS SONT PROUFFITABLES

ES vens doit savoir le berger pour deux causes. L'une est pour la cognoissance du temps dont dessus est parlé, pource que aulcuns vens sont plus enclins à la pluye que les aultres. L'aultre raison est pource que aul-

cuns vens sont nuysans et dommageables aux oeilles, et les aultres non.

Les vens, selon les charnières et les quatre climas du monde, sont divisez en quatre parties : en Orient, en Occident, en Midy et en Septemtrion. Et pource que le soleil ne fait pas tousjours son Orient en ung mesme lieu, ne aussi ne fait-il son Occident. Car en temps équinoctial : comme en Mars que le soleil est ou signe de mouton, et en Septembre que il est ou signe de la livre, que aulcuns nomment balance, le Orient et l'Occident du soleil sont directement opposites en regard et à droicte ligne. Et lors pourroit-on faire les quatre parties égalles l'une à Taultre et justement proporcionne'es durant le temps de l'équinoce.

Aultre fois, en temps d'esté, quand le soleil est ou signe de l'éscrevice, il fait son Orient plus vers Septentrion. Et aussi fait-il son Occident et tournoyé et gire plus grand partie de nostre emyspère, et est lors appelé Orient solsticial. Aultre fois, en temps d'hyver, fait son Orient au signe de Capricorne, et se trait plus