CHAPITRE VIII

bis. L'aultre pour le proffit de son maître de qui sont les bestes. Car toutesfois qu'il convient que le berger fasse oincture sur ses brebis, quant aulcunes en y a de rongneuses aux champs, et il faict tonsure de ses cyseaux pour descouvrir la laine, pour attaindre la rongne, il met les recoupes de la laine et les tonsures au ploy et redouble de son chappeau, et les doit porter et rendre h son maître à l'hostel : car il est tenu de faire et garder le proffit de son maistre, en faisant son office de bergier. D'aultre part, ledict chappeau est moult proffitable et ydoine au berger, tant pour obvier à la pluye, vens et tempestes des temps, comme pour la garde de son chef. Et est droit estât de pasteur, de porter grant chappeau et rond.

Mais il y a différence entre les chappeaux des prélatz et les chappeaux des bergers. En ce que les chappeaux des prélatz sont de plus chère chose que n'est le feutre, et, aussi, ne sont-ilz point reploiez ne redoublez par devant.

Et peult estre que ce est pource que ilz

ne veullent pas reporter aulcun prouffit à leur maistre qui les a commis au gouvernement où ilz sont : car les prélatz tondent et prennent voluntiers et retiennent tout le prouffit pour eulxmesmes, comme l'on dit.

En yver temps, affiert au berger, que il ayt moufles pour garder ses mains de la froidure. Lesquelles moufles il ne doit pas acheter, mais les doit faire de sa science ou à l'aiguille en lasqhant de fil de laine filé de main de bergerette, ainsi comme l'on faict les aumuces, ou il les doit faire de plusieurs pièces de draps et de plusieurs couleurs que le berger quiert à son avantage. Et quant elles sont eschequetées, elles en sont assez plus jolies. Et quant il ne faict pas trop froit, ou quand il convient que le berger face besongne de ses mains, il doit pendre ses moufles à une billette à sa ceinture dessus devisée.

Des instrumens doit avoir le berger, avec ses flaiaux, pour soy esbatre en mélodie. C'est assavoir, fretel, estyve,