CHAPITRE X

troys cyons, dont il les fiert, en lieu de corgées, pour moins blecer les brebis.

Audict moys le berger ne se doit point seoir, ne point esloigner de ses bestes, mais doit estre curieux de ses bestes et avoir l'œil sur elles moult ententivement : affin que se aulcune faonnoit, ou aigneloit aux champs, qu'il y puist secourir et ayder incontinent, comme il affiert. Car, par la coulpe et de'fault des mauvais et nices bergers, plusieurs aigneletz faonnez aux champs ont esté mengez des corbeaux, des huas, et des corneilles, ou dommage du maistre. Au soir, quant le berger revient du pasturage, il doit ramener ses bestes le petit pas, tout doulcement, sans travailler, et les doit establer spacieusement : car, audict mois de Febvrier, est moult proffitable chose quant celuy bestial est au large. Et quand le berger veult aller coucher, il doit visiter ses brebis, et les faire lever : car le trop gésir en ce temps leur pourroit nuyre pour les faons qui sont en leurs ventres. Et doit estre si très-curieux que il ne doit dormir seu-

rement, se il ne sent son fouc en bon estât et convenable. Et en ce temps doit laisser les huis et fenestres des esiables ouvertes, quand le vent de bise vente, pour y recevoir ledict vent de bise : car il vault et proffite aux brebis en ce temps. Et se autres vens ventoient, le berger doit estouper les fenestres et clore les huys des bergeries : pourcc que lors nul aultre vent ny proffite que celuy de bise.

Si tost comme la brebis aignèle ou faonne, le berger doit estre tout prest pour pre'senter i'aigneau devant sa mère, affin que par elle soit nettoyé et conréé, selon l'introduction de nature. Et quant I'aigneau est nettoyé, on doit prendre la brebis et la coucher sur le dextre costé emprès I'aigneau, si que il puist prendre le pis qui est la mamelle de sa mère et succer du laict pour sa nourriture. Et lors le berger doit plumer et oster de la laine du pis de la mère au lez par devers le ventre. Et ne doit pas plumer par derrière, pour ce que la gelée et la froidure dudict moys