CHAPITRE X

de Febvrier feroit grant mal à la brebis. Et, avec ce, le berger doit prendre le pis de la brebis et espraindre par ses doigs deux ou trois goûtes du premier laict de chascune broce de la mamelle, et laisser couler sur terre, ainçois que l'aignelet en gouste. Car ces premières goûtes de laict sont nomme'es bet et ne sont pas saines. Car si l'aignelet le goustoit, il pourroit encourir une maladie que l'en appelle l'affilée, de laquelle les aigneaux meurent et périssent souventesfois. Et de celle maladie et d'aultres sera dict es chapitres des maladies et des cures et remèdes. Et pendant ce que on veult guarir l'aignel du mal de l'affilée, l'en ne doit pas tirer ne traire le laict du pis à la mère de l'aigneau, mais s'en doit garder par deux jours du moins, affin que le laict de la brebis décroisse. Car, par la grand habondance du laict en la nouvelleté, après ce que la brebis a faonné, vient le bet en la mamelle de la beste, lequel bet est de grosse nature et de grosses humeurs : et pour ce, est périlleux à l'aignelet et à sa nourriture.

go LE BON BERGER

Et quand le laict de la brebis est ainsi purgé par deux jours et est plus valable, l'en doit prendre l'aignelet et remettre à sa propre mère. Et lors doit-il dcmourer et gésir avec la mère par quinze jours et quinze nuictz continuellement et non plus, sans oster ne séparer d'avec la mère. Et est a noter que, se l'aigneau demouroit avec sa mère plus de quinze jours sans Poster, et il mouroit en celle demeure : ce seroit la coulpe dudict berger, et seroit tenu au rendre et restituer à son maistre. Car chascun berger doit savoir que la longue demeure de plus de quinze jours avec la mère souloie engendrer communément aux aigneaux une maladie que l'on appelle le pousset : dont les aigneaux meurent souvent. Et n'y a que peu ou néant de remède contre celle maladie du pousset.

Et, pour y obvier, le berger doit oster les aigneaux d'avec les mères quant ilz y ont esté par quinze jours, comme dict est, et les doit establer et mettre en ung toict ou estable tout par eulx. Et chascun matin les doit laisser alaicter leurs