CHAPITRE X qi

mères, ainçoys qu'ilz voisent aux champs.

Et quand les brebis reviennent des champs au soir, le berger les doit laisser reposer, ainçois qu'il leur baille leurs aigneaux pour alaicter. Pource que, quant les brebis sont travaillées, leur laict est chault et bâtant : et n'est pas bien attrempé pour les aigneaux. Car aucunesfois, pour alaicter les mères lassées, vient aux aigneaux une maladie que l'en appelle le bouchet, de laquelle yceulx aigneaux meurent souvent.

Et après que les aigneaux sont séparez et ostez d'avec leurs mères, quant ilz y ont esté la première quinzaine, et qu'ilz sont mis et establez tout par eulx : en aultre quinzaine ensuyvant, ilz ne doivent menger aultre chose que du laict de leurs mères seulement. Et, ainsi que dict est, doivent estre gouvernez et gardez par ung moys entier, sans ce que il mengent que pur laict. Du surplus de la garde et de nourriture des aigneaux sera dict es moys ensuyvantz.