CHAPITRE XIII I

aussi doit-il revenir tost à l'ostel. Tart, pource que les rose'es de May nuysent au bestial à laine ; car avec la rosée se mesle aulcunes fois brouillas ou miellaz, qui moult empirent les herbes et les fueilles. Et sur les fueilles des ronses, le peult-on cognoistre et appercevoir plus tost que ailleurs. Et les brebis de leur nature mengent voluntiers les fueilles des ronses, quand elles y peuvent advenir. Et aulcunes fois, pour celle convoitise, y laissent de leur laine, et de leur despouille, en allant trop près des ronses poignans. Cestuy meffait doit-on pardonner aux brebis, par l'exemple des hommes : conside're' que les hommes sont discretz et raisonnables, laissant bien leurs despouilles en la taverne, ou en aultres lieux, pour leur foie volunté accomplir, ce n'est pas grand merveille des brebis, qui sont brutes et non raisonnables, se elles perdent de leur laine pour accomplir leur désir et leur appétit : et, pour y obvier, doit aler le berger tart, que les rousées ne nuysent aux bestes à laine : et d aultre part, le tost repérer