OX BERGER

leur est bon : pour eschever la force de l'ardeur du soleil, quand il est en sa ferveur et chaleur vers heure de midy.

Et audit mois de May le berger doit clorre et fermer les huys et fenestres de ses estables, par jour : et, par nuyt, les doit laisser ouvertes pour recevoir l'air de la nuit : et, le temps serain es estables, pour le bien, attrempance, et aisément des brebis. Et ne doit-on point nettoyer les estables pour les causes et raisons dessusdictes. Encore doit-on bien noter que qui veult faire tondre les jeunes aigniaulx de la première tonsure, on ne les doit point laver, posé qu'ils fussent crotez : car qui les laveroit pour nettoyer leur laine, quand on les vouldroit laver, il feroit son grand dommaige : et est bien esprouve', pource que, quand on les lave et nettoyé en l'eaue, ilz s'esbahissent et tressaillent, et aulcunes fois l'eau leur entre es oreilles et en deviennent lours et estahieux, tellement qu'il en sont tous affolez. Et ont les veues torves, et ne sont pas proffitables à garder. Et pour ce, est-il bon et expédient de tondre les