CHAPITRE XIII lOD

aigniaulx sans laver. Des moutons et des brebis n'est-il pas à faire pareillement : car on ne les doit pas tondre sans laver. Quant les aigniaulx sont tondus et despouillez de leur première toison, le berger doit estre curieux de mener son troupeau d'aigniaulx, incontinent après leur tonsure, parmi ung chemin sec et pouldreux, affin que la pouldre que ilz esmouvent de leurs piedz se prengne sur eulx, et qu'il en soyent empouldrez, par deux jours ou trois. Et la raison est pource que la pouldre leur fait cotelle sur leur chair et les garantist et defFent de rongne ou de clavel, qui est une moult maulvaise maladie et nuysant aux brebis et aigniaulx, comme cy après sera dit. Et s'il avenoit que, sans moyen, après la tonsure, fist temps pluvyeux; parquoy les aigniaulx ne peussent eulx empouldrer ou chemin, pour Tempeschement de la pluye, comme il eschet aulcunes fois, lors doit- on tenir lesditz aigniaulx es estables : mais le berger contre l'empeschement y doit pourveoir, et doit prendre de la cendre, et aultre

pouidre sachée bien déliéement. Et icelle pouidre doit jecter sur ses aigniaulx, pour les empouidrer et pour iceulx garder et garantir, comme dit est : car celle pouidre leur fait une manière de cotelle sur leur petite laine, laquelle leur est moult prouffitable, et les defïent et garde de rongne et de clavel, et si les garantist de la pluye. Et n'est pas doubte que à mesure que la laine leur croist et revient, elle déboute celle pouidre et emporte avec soy amont, et la chair des aigniaulx demeure nette et pure soubz la laine, et en la fin se purge la laine par son suyn, et chasse la pouidre hors. Ainsi les aigniaulx demeurent sains et netz, moyennant ladicte pouidre. Pareillement est la pouidre convenable, nécessaire et prouffitable, aux moutons, aux brebis et aux bestes antenoises. Et les doit-on semblablement empouidrer, après leur tonsure incontinent, et sans moyen, pour icelle garantir et deffendre des maladies dessusdictes, et pour garder la chair soubz la laine.