DU MOYS DE JUING

^1 u mois de Juing, doit le berger aviser curieusement en quelles parties il maine ses brebis en pasture, pource que, en ce mois de

Juing, croist une herbe aux champs que Ton appelle poucel. Cette herbe est de deux manières. L'une a la fueille crête-

lée et la tige verte, et est bonne. L'aultre a la fueille ronde et la tige vermeille et pelue, et est si maulvaise, que quand la brebis en menge, elle pert son runge et devient malade.

En ce mois de Juing, se doit le berger lever, au point du jour, pour faire traire le lait de ses bestes, et puis les doit mener aux champs bien matin, car lors y fait-il bon. Et, au retourner des champs, les doit garder de trop grand chaleur : car la chaleur du soleil nuyst à la chair d'icelle brebis, pour la pauvreté de leur laine. Et la chaleur des bestes peult le berger assez appercevoir à son mouton sonnailler. Car, combien que par raison il soit le plus gras, dont il n'est pas sitôt féru ne surpris du soleil : toutesfois le sonnailler se arreste tout coy, quant il a grand chauld, et trippe des pieds et remue sa queue, et ce sont les signes de la chaleur, et aussi est-il environné des mouches, quand il est arresté. Si y doit pourveoir le berger et faire umbrager ses bestes, et mener paisiblement es estables. Et n'est force