CHAPITRE XI^• rOg

que les brebis menge beaucoup, au mois de Juing : car la gresse de ce mois ne leur est prouffitable.

En ce mois doit le berger mener ses bestes hors des friches et des chemins herbeux, et les doit tenir es gaschières et es haultz lieux en planté de chardons : car la pasture des chardons leur est bonne. Et quand elles mengent voluntiers les tendres chardons, ce est vray signe que elles sont saines. Et se elles n'en veulent menger, ce est signe que elles sont usées, mal saines, et ne sont pas dignes de nourrir. Si doit considérer le berger et en adviser son maistre, pour son prouffit. Et à heure de prangière, audit mois, ne doit pas le berger mener ses brebis après disner contre soleil : mais doit tourner le dos au soleil et les conduire es valées où les herbes sont plus moistes, et n'est pas doubte que les brebis voyent mieulx l'herbe verdoier, quand elles ont les doz tournez au soleil, que se le ray du soleil luysoit parmi les yeulx. Et est assavoir que lors une herbe, nommée chailiie, leur

est moult prouffitable et nourrissant, et leur fait avoir bon ventre : car, se les brebis estoient enflées ou mal mises d'aucune maie herbe, la chaillée les guérist et leur est vraye médecine. Et soit adoncques le berger saige et discret, en ramenant ses brebis.