DU MOYS DE JUILLET

u mois de Juillet, doit le berger lever matin aussi, comme au mois de Juing.

Et jaçoit que audit mois de Juing soit dit et conseillé que le berger doit mener ses brebis es gaschières et es haultz lieux : toutesfois, en ce mois de Juillet, se doit gar-

der d'une herbe que l'on appelle sauvres, à une petite fueillete jaulne, laquelle herbe de sauvres est tant nuysant au bestial, que se les brebis la mengent ainçois que la fleur y soit, elles en sont enflées, et de la malice de Therbe sont en péril de mort. Quant les brebis ont trop chauld, assez est dit, au chapitre des reigles généraulx, en quelle manière on les doit refroidir et umbrager.