DU MOYS D AOUST

N Aoust, doitle berger lever matin comme dessus, et soy desjuner dune soupe en eaue, ou du lait cler, et ne doit porter pain en sa panetière, fors pour son chien. Et ne doit point porter de houlette ne d'aultre baston, fors que une verge de coul-

dre en sa main, par manière d'esbatement.

En Aoust, le berger ne doit pas mener ses bestes en friches, en gaschières, ne en pasturaiges où il ayt verdure :

mais les doit mener et tenir es chaumes et esteules où les blez et avoines ont esté soyez. Et illec doivent prendre les brebis leur pasture et non ailleurs, au moins selon la coustume de France, et de Brie, laquelle est telle que chascune berger peult mettre ses brebis es chaumes aux champs tout aussi tost que les gerbes en sont ostées. Et, devant disner, les doit ramener assez tost es estables et les laisser reposer, et attendre jusques à haulte prangière, et après disner doit aller tart aux champs et y doit tenir ses brebis jusques à une lieue de nuyct.

Au mois d'Aoust, et aux moys ensuyvant, peult-on faire et laisser ge'sir les brebis hors des estables et emmy la court ou ailleurs : mais que ce soit en lieux seurs.

En Aoust, le berger doit garder ses