CHAPITRE XVn

eschever terres maigres et pierreuses :

car lors y croist une herbe que Ton nomme muguet sauvaige^ que les brebis mengent voluntiers : mais elle leur est nuysant et mal prouffitable. Et est ainsi comme semblable à la trefBe, en fueille et verdeur : mais elle est plus haulte et a une fleur plus jaulne par rinsiaux. Et sur celle herbe et ses rinsiaux descent une manière de bylos :

lesquelz descendent de l'air, semblables à fil de coton qui se adhèrent à celle herbe de muguet, et y demeurent, et en eulx se nourrissent areignes, vermines et ordures envenymées. Et pour convoitise de l'herbe, les brebis la. mengent avec l'ordure et en enquièrent une grand maladie, que l'on appelle yrengnier, qui tient en la teste, et dont la brebis est enflée et envenimée en péril de mort. Et mourroit de celle maladie, se l'on n'y mettoit remède.

En celuy mois de Septembre, par commune ordonnance de nature, les brebis portières sont luitées et saillies des moutons masles, pour propaginer et

I l8 LE BON BERGER

continuer l'espèce des bestes à laine par génération, selon la bonne disposition du souverain pasteur, créateur et conditeur de toutes choses immorteles, morteles, raisonnables, brutes, animées et sans ame. Si advient, à la fois, que aulcunes brebis portières sont luitées et saillies en Aoust. Et aussi sont-elles plus hastives à faonner, devant Febvrier. Audit mois de Septembre, le berger doit estre diligent de la garde de ses moutons saillans, qui luysent les portières femeles. Et ce mois durant, doit faire gésir les moutons et portières emmy la court ou en autres lieux seurs, hors des estables, et les visiter souvent.