DU MO Y S DE NOVEMBRE

^'^T^î^^l^lîil) ;i

N Novembre, le berger doit mener et conduire ses brebis es chaumes et esteules, comme dessus, pour pasturer le regain des herbes qui sont regaynées : car la doulceur d'icelles leur sont moult nourrissant et prouffitable. En ce mois de Novembre.

est deffendue la seignée et médecine, tout ainsi comme en Octobre. Et, se les moutons sont descouragez en ce mois, le berger leur doit donner à menger du sel ung peu. Et pource que, en l'yver, pleut plus souvent qu'en aultre temps : quand il a pieu et que le berger meine ses brebis en pasturage près des bois, il doit estouper et emplir les sonnettes de ses bestes, tellement qu'elles ne puissent sonner ne faire noise. Car les loups ne peuvent bonnement endurer la pluye, pour les de'goustz des ruisseaulx et des fueilles du bois, qui leur chet es oreilles et leur fait mal. Et pour ce, yssent hors des bois après pluye et se tapessent pour agayter les brebis, quand il les sentent au vent, ou quand ilz oyent les sonnettes. Si les doit le berger estouper pour oster la noise, et doit lors champaier loing des bois et contre vent, et estre curieux sur son bestail, pour obvier aux périls et dommaiges.