JUILLET

Nous les bourgmestre , jurez et conseille de la cité de Liège , a tous ceulx qui ces présentes verront et ouiront , salut ; scavoir faisons que ce jourd'huy, daulte en fin subescripte, sont pardevant nous comparus CoUart de Cheratte et Jehan Gelette , ambedeux gouverneurs, Joannes Bomerchome et Jehan d'Othée, jurez, avec plusieurs compagnons et renthier du bon mestier des tanneurs de ceste cité , et en ces te endroit partye faisans pour la généralité d'icelui, remontrans comment ens ans quinze cens octante cincque et octante siex, aroit, pardevant les bourgmestre, Jurez et conseil de lors , heu querelle et difficulté entre les bon mestiers des corduaniers et corbesiers de ceste dict cité, joinct avec eulx les representans feu Servais de Grez , Paulus de Grez et aultres leurs consors , compagnons et membre dudit mestiers des tanneurs , dunne , et les officiers avec lenthier rest diceluy dit mestiers , d'autre, a faict de lexecution par lesdit corduaniers, corbesiers et adjoinct , prétendue dunne sentence , paravant par ledit conseil rendue, portante que, en deroguant a ung particulier status dudit mestiers , estoit permis et se donnoit liberté a tous et a chacun membres dicelui, daller mouldre leurs cscorches, ausi en acliepter partout ou bon les sembleroit , puis les employer et mettre en œuvres selon ses pouvoirs et moyens ; a quoy les officiers des tanneurs avec la rest dudit mestiers s'aurroient opposé, en regard point seulement que en tous mestiers debvoit avoir reigle et ordonnance ausquclles ung chacun diceulx debvoit obeyr , mais

aussi qu'a celui mestiers estoit partenant ung mollin entre baunal auquel chacun estoit obligé de mouldre , parmy quelques honneste recognoissances pour son entretenance et satisfaire a quelques particuliers charges dudit mestiers, et pour aultres raisons, particulièrement par les acts sur ce agitée; qui auroient causé pluseurs incident de liaulte disputte et loingtaine cognoissances, de sorte que, en parfin, iceluy dict conseil, pour le tout retrancher , aussi reunir lesdits partyes , mesmement aboUir touttes hajnes, rancunes et discords quil avoint a l'occasion dictes lung contre laultre, auroit pour bien de pais provisionelement et pour durer tant que aultrement en serat ordonné , esté apoincté et ordonné que tous et chacun tanneurs pouroit et pourroint a son tour et oulne mouldre audit mollin douse moulnée, en payant a effects avant dis, la deubte anchienement acostumé ou telle que par bonne discrétion seroit trouvé nécessaire, avec condition, s'il astoit au future trouvé ledit mollin nestre bestant et suffisant pour mouldre les enthieres moulnees desusdit, en sorte que lesdit tanneurs fussent a ceste occasion astargiés en lexercice de leurs praticque au préjudice de bien commun et publicque, que , en prennans de ce attestation , pouldront aller mouldre ailheurs. Or, comme en ceste ordonnance provisioneUe et de telle reconsiliation que dessus, ne soit adjoustéeaulcunne peine contre les contraventeurs, et que difficilement loix, status et ordonnance se pourront maintenir sans menasses et limitation daulcunnes, lesdit remonstrans ont a nous lesdit bourgmestre, jurez et conseille de ladicte cité humblement requis de vouloir, comme chef des affaires politique, y adjouster aulcunne peine à nostre discrétion et tel quil nous semblerat convenir ; dont sachant ceste requeste nostre de raison esloignee et désirant le bien, prouflt et utilité de publicques, a ce que le pouvre puisse vivre aussi bien que le riche , après avoir sur le premis prins bonadvis et délibération, avons ordonne et par ceste ordonnons, voir pour durer seulement tant que aultrement en serat ordonné , que le transgrcsscurs des susdits ordonnances provisioneUe serat pour le premier fois attaint dune amende de cincqs florins dor ;

item pour le deuziesnie fois le double et pour le troisiesme que sa marcliandise tomberat en confiscation , repartissable le tout , ascavoir : une tiers a lofficicr de lalteze serenissime de monseigneur illustrissime et revendissime de Liège nostre prince : une deuzieme a la fortification de la cité et la troisiesme audit mestier et acusateur ; bien entendu toutte fois que par ce ne voulions et nentendons en rien toucher a la jurisdiction et haultenité de nostre dict reverendissime prince et seigneur , aussi de rien altérer les droits et privilèges des aultres mestiers, mais retenons par exprès le pouvoir et authorité , ou de cela appareroit, aussi quil fusse prejudicyable a bien et prouffit et repos publicqs, de le pouvoir corriger, modérer ou de le tous aboUir selon quen droict et raison serat trouvé convenir ; et auffi.n que au premis soit foy adjoustée , nous avons ausditte présentes faict appendre le seel aus légations de ceste dicte cité , le diex neufieme jour de mois de jullet, mille cincqs cent et nouante siex.

Copié et collationnc sur une copie authentique, insérée dans un registre du métier des tanneurs.