LOY8E DE 8WOIK, REGENTE DU ROYAUME, AUX MEMES

Dernier jour d'aoust 1525.

Messieurs, j'ay veu et bien entendu parce que m'avez escript le prudent, sage et expérimenté discours que monsieur le cardinal Dyort vous a fait, monstrant clcrement l'amour, affection et bonne voulante qu'il a au Roy, monsieur et filz, a moy et an bien de son royaume et de ses affaires : de quoy vous le mercierez de par moy tant et de si bon cueur que faire se peult. Luy priant et requérant continuer et persévérer comme on a en luy parfaicte fiance, et tousjours ouvertement, privément et franchement me faire entendre ce qu'il luy semblera qui sera à Taire, non seullement pour la continuation et persévérance de là bonne amytié qui est et encores sera plus grande, entre le Roy d'Angleterre son maistre, mon dit seigneur et filz et leurs royaumes et subgects. Et en ce faisant, je mectray tousiours paine d'entretenir son bon conseil, oppinion et advis, et sur ce luy porterez toutes les meilleures et plus lionnestes et cordialles parolles que tous pourrez, comme vous le saurez très-bien foire: Et vous me ferez plaisir et service très-agréable en ce

faisant. Priant Dieu, messieurs, qu'il vous ait en sa sainte garde. Escript a Tournon,lc dernier jour d*aoust, (1525). Loyse.