CHAPITRE XLIX

Encores pour introduire ceux des illes.

Et après se départirent es trois parties du monde et encores y sont les generacions qui d'eulx sont estan dues. Et de l'vne de ces generacions issi Abraham, home parfait et Dieu craignant, à qui Dieu donna la terre de promission, voire à ceulx qui de lui yssiront. Et Dieu les amast moult et les fît son sain peuple et s'appeUerentles filz Israël, et les misthors du seruage d'Egypte, et fit de grans merueilles pour eulx, et les

78 LB CANARIEN.

exaussa sur toutes les gens du monde tant comme il les trouua bons et obbeissans à ly . Mais contre son commendement et sa voulenté ilz se prindrent aux femmes d'autres loys et à onorer les idoles et les viaulx d'or que leroboam auoit faiz en Samarre, pour quoy il se courroussa à eulx, les fit destruire, et les bailla es mains despayens et des Philistes par plusieurs fois. Mais tantost qu'ilz se repentoient et il luy crioient mercy , il les releuoit et les metoit en grant prospérité, et fit telle chose pour eulx qu'il ne fit onquez pour nul autre peuple : car il leur donna les prophéties qu'il parloient par la bouche du Saint Esperist, et leur annonssoient les chozes à aduenir et l'auenement de nostre Ihesuscrist, qu'il deuoit naistre d'une vierge, c'est assauoir la vierge Marie, laquelle dessendi de ce peupple de la lygnée du roy Dauid, lequel roy dessendi de la lignée luda, lefilslacob, et qui rachateroit tout ceult qui estoient condampnés par le péché d'Adam. Mais ilz ne le vouldrent croire, ne connoistre son advenement, ains le cruciffierent et le misrent à mort, non obstant les grans miracles qu'il faisoit en leur présence. Et pour ce sont ilz ainssi destruis comme chacun scet. Car aies par tout le monde, vous ne trouuerés luifs qui ne soient en subjecion d'autruy, et qu'il ne soit iour et nuyt^ en paour et en crainte de sa vie. Et pour ce sont ilz ainssi descoulourés comme vous vées.