CHAPITRE L

Encores de celle mesmes matière pour introdaire les Canariens.

Or est il vray que anchois que les luifs missent à mort nostre seigneur Ihesus, il [y] auoit moult de gens qui estoient ses dissiples, et especiallement il en auoit douze, de quoy Tun d*eulx le trahy, lesquels estoient continuellement [avec] luy et luy veoient faire les grans myracles par quoy ils crurent fermement, et le virent mourir. Et après sa resurection s'apparreut il à eulx par plusieurs fois et les enlumyna de son Saint Esperist. Et leur comanda qu'ilz alassent par toutes les parties du monde prescher de lui toutes les choses qu'ils auoient venez et leur dist que tous ceulx qui croiroient en luy et seroient baptizés seroient sauués, et tous ceulx qui en lui ne croiroient seroient comdampnés. Or créons donquez fermement qu'il est vng seul Dieu puissant et tout sachant qui, dessendi en terre et print char humaine en ventre de la vierge Marie, et vesqui xxxij ans et plus, et puis print mort et pacion en Farbre de la croix pour nous rachater des paines d'enfer, en quoy nous dessendions toulz pour le péché d'Adam, nostre premier père, et ressussita au tiers iour, et entre l'eure qu'il mourust et l'eure qu'il resussita dessendi en enfer et en tira hors ces amys et ceulx qui par le péché d'Adam y estoient trébuchez et delà en auant par se péché nul n'y entrera.

i C'est à ce chapitre que le manuscrit 18,629 de la Bibliothèque nartionale, F. F., commence la table des matières.