CHAPITRE LU
Come on doit croire le sacrement de Taustel.
En ce temps les luif s tuent vng aignel de quoy ils faisoient leur sacrifice à leur pasquez et ne lui brisoient nulz os, lequel pourfigure nostre seigneur Ihesuscrist qui fut crucifié et mort en la croix par les luifs le iour de leur pasque sans lui briser nulz os ; et meugerent icellui aygnel auec pain azime (c'est pain sans leuain et auec ius de lettus champaitres), lequel . pain nous profigure que Ten doit faire le sacrement de la messe sans leuain. Mais les Grecs ont le contraire. Et pour ce que nostre s*" sauoit qu'il deuoit mourir le vendredi, auanssa il sa pasque et la fit le ieudi et peut estre qu'il la fit de pain leué. Mais nous, qui tenons la loj de Romme, disons qu'il la fit de pain sans leuain; et le ieus des lettues champaitres, qui est amer, nous profigure l'amertume en quoy les filz Ysrael estoieot en Egipte en seruage, duquel ilz furent deliurés par le commendement et voulenté de Dieu. Et y a tant d'autres choses qu'il dist et qu'il fit qui sont plaines de si grant mistaire que nul ne les peult entendre s'il n'est moult grant clerc. Et pour péché que nous fâchons ne nous desperons mye, ainsi que fit ludas le traistre, mais en querons pardon auec grant contricion de ceur, et nous en confessons deuotement, et il nous pardonnera ; et ne soyons mye pa- [rejsseux, c'est vng trop grant péril: car celon Testât
OÙ il nous trouuera nous serons iugez. Si nous gardons de pécher mortellement le plus que nous pouronSy et ce sera le sauuement de nous et de nos âmes. Et ayons tousiours memore des paroUes qui ycy sont escriptes, et les monstrons et apprenons à ceulx que nous faisons baptiser pardessà, car en ce fajsant nous pouons grandement acquérir l'amour de Dieu et le sauuement des noz âmes et des leurs. Et affin que le mieulx le puissent entendre 9 nous auons fait et ordonné ceste introduction le plus legierement que nous auons sceu faire selon le peu d'entendement que Dieu nous a donné. Car nous auons bonne espérance en Dieu que aucuns bons clercs preudommes venront yng de ces iours pardeça qui adresseront et metront tout en bonne fourme et en bonne ordonnance, et leur feront entendre les articles de la foj mjeulz que nous ne sauons faire, et leur appliqueront des mjracles que Dieu a faiz pour eulx et pour nous ou temps passé, et du Ittgement à venir, et de la generalle Resurection affin d'ester leurs ceurs du tout de la maluaise créance en que j ils ont longuement esté et sont encore en la plus grant partie d'eulx.
