CHAPITRE LV

Comment monsieur de Bethencourt met poine de sauoir les porte et

passages des pais des Sarazins.

Et pour ce que led. de Bethencourt a grant voulenté de sauoir la vérité, Testât et gouuernement du pais des Sarrasins, et des pors de mer, que Ten leur dit estre bons du costé de la terre ferme qui marche douze lieues près de nous au droit du cap de Bugeder et de Tille d'Erbanye, là où led. s' de Bethencourt est à présent, auons si endroit mis aucunes choses, tou« chans ses marches, extraites d'un liure que fit vng frère mandeant, qui auironna iceluy pais, et fut à tous les pors de mer, lesquelz il diuise et nomme, et ala par tout les roy™ crestiens, et dès paiens, et des Sarazins qui sont de ceste bende, et les

1 Chap. uv du ms. 18,629.

nome tous, et deuise les nons des prooinsses, et les armes des roys et des princes, qui seroit longue chose à descrire. Si n'en prendrons, quant à présent, fors se qui nous est mestier pour nous adresser de moult de choses au fait de la conqueste là où il escherra appoint. Et pour ce qu'il parle si au vray des contrées et des pais dont nous auons vraie congnoissance, il nous semble que ainssi doit il faire de tous les autres pais. Et pour ce auons nous si apprès mis aucunes choses qui sont en son liure, dont nous auons mestier ^ .