CHAPITRE LXXXIII

Comment mons' de Bethencourt à son retour de Normendie arrioa en Tille Lancelot ^ là où il fut receulli à grant chère.

Or se partit monseigneur de Bethencourt le ii* iour de mai mil cccc et v, et siugla tant qu'il dessendit en Tisle Lancelot, et en Tisle de Forte Aventure; trompettes sonnoient et clorons, tabourinsymenestrés, herpès, rebebets*,busines, et de tous instrumens. On n'eut pas ouy Dieu tonner de la melodye qu'ilz fesoient, et tant que ceulx d'ErboQye et de Lancelot furent tous esbahis, especiallement les Canariens. Non obstant que ledit seigneur ne cuidoit point auoir amené tant d'instrumens ; mes il y auoit biaucoup de iones gens de quoy led s' ne se guetoit point, qui en ioiaient, et auoient apporté leurs ynstrumens auec eulx. Aussi Maciot de Bethencourt, qui en partie auoit eu la charge de s'enquérir quelz compagnons c'estoit, conselloit led. sg' de les prendre ainssi qu'il lui sembloit qu'ilz estoient ^opres et abilles. Banyere et estandars estoient estandus ; et estoient tous les compagnons en leur abiUement quant ledit seigneur dessendit à terre : ilz estoient assés honnestement abillez. Monsg^ de Bethencourt leur auoit doné à chacun vng hoqueton, et à six gentilz homes qui estoient auec lui^ ilz estoient argentez, que led. sg'

1 Chapitre lxxvii du ms de la Bibliothèque nationale. * Rebequets.

paia : non obstant qu'il y en auoit biaucoup d'autres argentés, mais cellui qui le portoit le poiet. Ilz estoient tous fort honnestes. Onques monsg' de Bethencourt n'y ala sy onnestement. Et quant le nauire fut à demye lieue prez, les gens de l'isle de Lancelot virent et apperceurent bien que c'estoit leur roy et leur sg'. Vous eussié veu de la nef les Canariens, famés et enfans, qui venoieQt au riuage au deuant dud. sg', et disoient et crioient en leur langage: « Vecy notre roy venirl » et estoient si ioieulx que [ils] saiUoient et s'entreboutoient de ioiye, et s'entraccoloient. Et paret bien clerement qu'ils auoient grant ioye de la venue de leur roy ; aussi il ne fault point doubter que ceulx que monsg' de Bethencourt laissa èsd.illes de Lancelot et Fortauenture, qu'ilz n'auoient pas mains de ioye. Et come i'ay dit, les instrumens qui estoient es bargez fesoient si grant mélodie que c'estoit belle chose à ouyr, et les Canariens en estoient toulz esbahis, et leur plaisoit terriblement. Et quant monsg' fut arriué à terre ^ il ne fault pas demander si tout le peuple lui fit grant chère ; les Canariens se couchoient à terre, en lui cuidant faire le plus grant honneur qu'ilz pouoient, c'estoit à dire qu'ilz se couchoient que cors et biens estoient à luy. Led. sei* gneur les receullit, et leur fit la plus grant chère qu'il peut, et par especial au roy qui c'estoit fait crestien. Ceulx de l'ille de Fortauenture seurent bien que leur roy et seigneur estoit venu et arriué en l'isle de Lancelot. lehau le Courtois, lieutenant dud. sei-

164 LE CANARIBN.

gneur, print vng bastel et vj compagnons auequez luiy dont Hanibal en estoit vng, et vng nomé de la Boissiere, et quatre aultres, et vindrent en Tille de Lancelot deuers leur dit sg^, et firent la reverance, ainssi qu'il apartenoit. Adonc monsg^ de Bethencourt demanda à lehan le Courtois comme tout se portoit. « Se [dit] lehan le Courtois^ « monsg^, tout se porte bien et de myeulx en myeulx, et cuide et croj que tons vos subjez seront bons crestiens, car ils ont biau commencement, et sont si ioieulx de vostre venue, que iamès nulles gens ne pouroient plus estre. Les deulx rojs crestiens vouloient eulx en venir auec moj, mais ie leur aj dit que vous y vendrez bien tost, et que ie ne retoumerois point que se ne fut auesques vous». — «Non feré vous, » se dit led sg', «ie yré demain, se Dieu plaist ». Ledit seigneur fut logé à Rubicon, au chastiau, et la plus part au chastiau. Il ne faut pas demander si les gens que led. seigneur auoit amené derrainement de Normendie estoient esbahis de voir le pais et les Canariens ainssi abillés qu'ilz estoient ; car, comme i'ay dit si deùant, ils ne sont vestus que par dariere, et de cuyr de cheure; Et les femes sont vestues de houppelandez de cuir iusquez à terre. Ils estoient bien ioieulx de veoir le pais et leur plaisoit fort, et plus le regardoient et plus leur plaisoit. Et mengoient de ces dattes et des fruis du pais, qui leur sembloient fort bons, et rien ne leur faisoit nul mal. Mais estoient fort ioyeulx de eulx y trouuer, et leur sembloit qu'ilz viuroient bien au pais. le ne

TOUS sarois que dire fors qu'ilz estoient fort contens; et encore le seront ils plus quant ils verront l'isle d'Erbenne dit Fortaventure, Monsg' demanda à Hanybal comme il le faisoit et qu'il lui sembloit de sa compagnie. « Monsg^, » se dit Hanybal, « il me semble que se du premier on y fut venu par telle maniere, les choses n'eussent pas duré si longuement qu'ils ont fait, et si on fut encore plus auant que l'en est; c'est vne fort belle compagnie et bien honneste; et quant les autres Canares de9 autres isles qui ne sont point crestiens verront sy beUe ordonnance, ilz s'esbahyront plus qu'ils n'ont fait ». — « C'esi bien mon intendon », se dit monsg^^ « de aler veoir la grant .Canare, et de leur [en] bailler vne touche ». '