CHAPITRE LXXXVn

Comment le gienr de Bethencourt ordonne du département des terres, et de la iustice et police du pais. '

Apprès que monseigneur de Bethencourt eut conquis risle de Palme et celle de Fair, ledit seigneur s'en reuint en l'isle de Fortauenture auec ces deulx bargez et se loga à la tour de Baltarhajs que mess* Qadiffer auoit comenssé à faire tandis qu'il estoit en Espaigne, et ordona biaucoup de choses en ce pais qui longez seroient à raconter. Il loga ceulx qu'il auoit amené, corne i'ay dit, iv" en l'ille de Fair, et le demeurant en Tille de Fortauenture et en l'isle Lancelot. Et leur bailla à chacun part et porcion déterres, de manoirs, et maisons, et logis à chacun selon qu'il

1 ^ on ou a en.

* Ce chapitre n*a pas de sommaire dans le manuscrit original. Le manuscrit 18629 de la Bibliothèque Nationale le donne comme une continuation du précédent. Nous avons pris le sonmiaire composé par M. Major.

lui sembloit bon et que [il] lui appartenoit ; et fit tant que il n'y eut nul qui ne fust content. Et si ordonna que ceulx qu'il auoit amenés de son pais ne paiement quelque chose du monde iusquez à ix ans ; et au bout de ix ans, ils paieroient come les autres, c'est à dire que ils paieront le quint denier, la v* beste, le cbinq"^ boissel de blé, et de tout le chinquiesme pour touttes charges. Et quant au regart del'oursolle, nullui ne l'osera vendre sans le congé du roy et sg** du pais : c'est vne graine qui peut valoir biaucoup au sg*" du pais et qui vient sans main mestre. Quant au regart des deulx curés d'Erbenne et Lancelot, il est tout nottaire qu'ils doiuent auoir le x* : mais pour ce qu'il y a biaucoup de peuple et pou de secours d'esglise, ils n'aront que le xxx% tant qu'il y ait prélat. « Et au pl^sir de Dieu, [dit Bethencourt], quant ie partiré d'icy ie yré à Romme requérir que vous ayez prélat esuesque en se pais, qui ordonera et manyfirala foy catolique ». Et après, led. seigneur ordonna son lieutenant et gouuerneur de toutes les isles que ledit seigneur a conquestéez, et lui comenda coment il fut, que Dieu y soit seruy et honnoré tout le mieulx que l'on peut, et que les gens du pais fussent tenus doucement et amoureusement. Et sy lui comanda qu'il fit à chacune ille deulx sergens qui aucunement aroient le gouvernement de iustice soubz lui et soubz sa deliberacion, et qu'il fit iustice ainssi qu'il pourra congnoistre que le cas le requiert ; que les gentilz homes qui y demourront soient de bon gouuernement, et que s'il luy [auoit] aucun iugement à faire,

que premier yceulx gentik homes y soient appelles, à celle fin que le iugement soit fait par grande deliberacion de plusieurs gens, et des plus sçachans, et des plus notables ; « et tant que Dieu y ait ordoné, et que le pais soit plus peuplé, ie ordone que ainssi soit fait. Aussi ie ordone que tous les ans du moins deulx fois, qne enuoiez en Normendie vers moy, et m'enuoiés des nouuelles de par dessa ; et que le reuenu qui sera desd. iUes Lancelot [et] Fortauenture soit mis à faire deulx esglises telles que lehan le Masson, mon compère, ordonera et edifira : car autre fois ie lui ay conté et dit corne ie les veulx auoir. Car i*ay amené charpentiers et massons assés pour quoy on le peult bien faire. Et quant est de yostre prouision et pour vos gages pour vous viure, ie veux que s'il m'apartient chunq deniers de la reuenue quienyssira desd.illes, que vous enayés vng à tousiours tant que vous vivrez et serés en se pais mon lieutenant. Et du seurplus de la reuenue, que de cy à chine ans il soit mis aux églises, et l'autre part en ediffices telz que vous et led. lehan le Masson ordonera, soit en reparacions ou en nouuiaulx ediffices. Et oultre ie vous donne plain pouer et auctorité que en tout choses que vous verres qu'il sera profflt et honneste, vous ordonnyez ou faciès faire, en saunant mon honneur premier et proffit. Et que au plus près que vous pourez que vous teniés les coustumes de France et Normendie, c'est à dire en iustice, et en autres choses que vous verrez bon faire. Aussi ie vous prie et charge que le plus que vous pourez vous ayés

176 LB CANARIEN.

paix et ynyon enssemble, et que vous entraînez toulz comme frères, et especiallement entre vous gentilz hommes : n'ayés point d'enuye les vng sur les autres. le vous ai à chacun ordonné vostre fait, le pais estasse large, appaisés Tvn l'autre et vous apparentés de Tvn l'autre et aidés Tvn à l'autre. le ne vous sarois plus que dire, fors principallement vous ayés paix ensemble, et tout se portera bien.