CHAPITRE LXXXVIII

Corne mrasg' de Bethenconrt chenauches par le paîa en le

reuintant.

Le dit seigneur auoit deulx mulles que le roy d'Espaigne luy auoit donnés, qu'il cheuauchoit parmy les ysles. Sy fut trois mois en ycellui pais apprès qu'il fut venu de la grant Quenare. Et en ycelles ysles il cheuaucha et chemyna par tout en parlant bien doucement au peuple du pais auecquez trois truchemens qu'il auoit auec lui. lasoit que il y auoit desia biaucoup de gens qui parloient et entendoient le langage du pais, par especial ceulx qui y estoient venus au premier de la conqueste. Et là en cheuauchant le pais il estoit auec lui led. Macyot et les autres gentibs hommes, lesquelz y vouloit que [il] demeurassent au pais, et si y estoit lehan le Masson et autres du mestier ; il y auoit charpentiers

1 Chap. Lxzxi du mi. de la Bibliothèque nationale.

et gens de tous mestiers qui cheminoient auec luy, et le dit seigneur leur monstroit et deuisoit se qu'il vouloit en les ouant et escoutant parler. Et quant il eut esté par tout le pais au mieulx qu'il peut. Et qu'il eut deuisé se qu'il lui sembloit estre bon de faire , il fit crier par le pais qu'il se partiroit du pais à de au iour duy en vng mois qui seroit le xv* iour de desembre ; et que s'il y auoit nul qui voulsist riens deuers le roy et sg' du pais, qu'ilz vinssent vers lui et qu'il feroit tant que chacun seroit content. Led. seigneur vint à Rubicon en l'ille Lancelot, et se tint là iusquez à son partement, qui fut led. iour deuant dit xv* iour de décembre. Il lui vint plusieurs gens, et de plusieurs façons de la dicte isle de Lancelot et de Fortauenture. Quant au regart de l'ille de Fer, il n'y en vint nulz, car il n'y en estoit point demeuré si pou non, et se qui estoit demeuré n'estoit point pour résister à l'encontre de ceulx que monsg^ de Bethencourt auoit ordonné de y aler et demeurer. Aussi de la Gomere il ne vint nuls. Au regart de l'ille de Louppes, il n'y demeure personne, il n'y a que bestes que on appelle loups marins, qui vallent biaucoup^ comme autres fois i'ay dit. Il luy vint le roi qui estoit sarazin, de l'ille Lancelot, qui demanda à son vrai seigneur et roy du pais, monsg'' de Bethencourt, qu'il lui plaisoit bailler et donner le lieu là où il demouroit, et certaine cantité de terres pour labourer et pour viure. Monsg"" de Bethencourt luy octroia qu'il vouloit bien qu'il eut hostel et mesnage plus que nul autre des Canariens

d'icelle isle, et des terres suffisamment ; mais de fortresse, il n'aroit point [ni] nul du pais, Led. seigneur lui bailla vng hostel qu'il demanda qui estoit au millieu de risle, et si lui bailla enuyron trois chens acres que bois que terre autour de son hostel, en faysant le truage ^ que ledit seigneur auoit ordonné, c'est à dire le chincquieme de toutes choses. Led. roy canarien fut fort content : il ne cuidoit iamès auoir si bien ; et à dire voir * il eut tout des milleurs terres du pais pour labour ; aussi il congnoissoit bien le lyeu qu'il demandoit. Plusieurs autres y vindrent et de ceulx de Normendie et des Canares de ycelle isle, et chacun fut contenté selon se qu'il valoit. Les deulx rois qui s'estoient fait batiser de l'ille de Fortauenture vindrent vers led. s' de Bethencourt, et pareillement led. seigneur leur bailla lyeu et plasse, ainsi que aucunement le requeroient et leur bailla à chacun quatre chens acres que bois que terre, et furent fort content dud.seigneur. Led. seigneur loga les gentilz homes de son pais es fortes plasses, et fit tant que [ils] furent contens ; et les autres parreillement du pais de Normendie furent logez chacun cellon qu'il sembloit estre de raison et de faire. C'estoit bien raison qu'ilz fussent myeulx que les Canariens du pais. Led. seigneur fit tant que chacun fut contant ; il ordonna plusieurs choses qui longuez seroient à raconter, et partant ie m'en tais. Et veulx parler de son retour, et come il commanda à

1 Voir la note 1 du chap. liv.

« Vrai.

à tous les gentilz homes qu'il auoît amenés, et ceulx qui estoient en parauant au pais, qu'ilz fussent deulx iours deuant son partement deuers luy ; et aussi que tous les massons et charpentiers y fussent. Et si voulut que les trois roys canariens fussent, et que à ycellui iour ilz leur diroit sa voulenté et leur commenderoit à Dieu.