CHAPITRE LXXXIX

Cornent led. sg' à tous ses amis da pays pour leur dire à Dieu

leur donna à diner et les featia.

Le deulx''* jour deuant le partement de monsg' de Bethencourt, lequel estoit au chastiau de Rubycon, là où il fit ycelle iournée fort grant chère à tous les gentilz hommes, et à y ceulx trois roys les quieulx se [y] trouvèrent, ainssi qu'il auoit comandé. Et y estoit ycellui lehan le Masson, et autres massons, charpentiers, et plusieurs autres du pais de Normendie et du pais mesmes, lesquels tous dinerent et mengerent icellui iour au chastel de Rubicom. Et quant ledit seigneur ot diné il se rassit en vne cherre vng pou hault à celle fin que on l'ouytplus ayse, car il lui auoit plus de deulx chei^t personnes. Et là led. seigneur commenssa à parler. « Mais amys et mes frères crestiens, il a pieu à Dieu nostre Créateur qu'il a estandu sa grâce sur nous

1 Chap. Lxxxn du ma. de la Bibliothèque nationale.

et sur cestuy pais, qui estàceste heure crestien, et mis à la foy Catolique. Et Dieu, par sa digne grâce, le veuUe maintenir, et moy doner pouer et à vous tous de se y sauoir si bien conduire, que se soit Texaltacion et omentacion de toute crestienté. Et pour sauoir pourquoy i'ay voulu que vous soiez si tous en persensse, ie le vous dire. Il est vray que pour vous tenir tous ensemble en amour, ie vous ay assemblés, à celle fin que vous sachiés de par ma bouche se que ie veulx ordonner et ordonneré ; et se que ie ordonneré, ie veulx que ainssi soit fait. Et premièrement ie ordonne Maciot de Bethencourt, mon cousyn et mon parent, mon lieutenant et gouuemeur de toutez les ysles, et de toutez mes affaires, soit en guerre, en iustice, en ediffices, réparations, nouuelles ordonnansses, celon que [il] verra qui se poura ou deura faire, et en quelque manière qu'il le voudra faire ou faire faire, ou deuiser sans y rien reseruer , en tousiours gardant Tonneur premier et proffit de moy, et du pais. Et à vous tous, ie vous prie et charge que vous lui obéissiez comme à ma personne, et que vous n*aiez point d'enuie les vngs sur les autres. Tay ordonné et si ordonne que v* denier soit à moy et à mon prouffit ; c'est à dire le v* cheure, la v* aignel, le v* boissel de blé, le v* de toutes choses. Et dessus yceulx deniers et deuoirs ^ on prendra iusquez à chincq ans les deulx pars pour faire deulx belles églises, Tune en l'isle de Fortauenture, l'autre en Tille Lancelot ; et l'autre part sera aud. Maciot, mon cousin.

1 Redevancet.

Et quant se vendra au bout de chuncq ans, se Dieu plaist, ie feré tout le mieulx que ie pouré. Et quant est de ce que ie laisse aud. Maciot, îe veulx qu'il ait le tiers de la reuenue du pais à tousiours tant qu'il viura,. Et au bout de chunc ans, il sera tenu de m'enuoier le seurplus du tiers de la reuenue à mon hostel en Normendie. Et si sera tenu de tous les ans m'enuoier des nouuelles de ce pais. En oultre, ie vous prie et charge que tous vous soies bons cr estions, et seruez bien Dieu, amés le et le craignes, alésa l'esglise et l'aumentés, et gardés les drois au mieulx que vous sarés et pourés, en attendant que Dieu vous ait donné vng pasteur, c'est à dire vng prélat qui ayt le gouuernement de vos âmes. Et se Dieu plaist, ie metray paine qu'il y en ara vng. Et quant ie me partiré d'icy, au plaisir Dieu, ie m'en jré à Romme requérir au pappe que vous ayés, come i'ay dit, vng pasteur, c'est à dire vng euesque qui ara le gouuernement de vos âmes. Et Dieu me doint la grâce de tant viure de ce faire. Or sa, se dit ledit seigneur, cy lui a quelcun qu'il me veulle dire ou aduiser de quelque chose, ie lui prie que à ceste heure il le dise, et qu'il ne laisse point, soit petit ou grant, et ie l'orré très volontiers » . Il n'y eut nullui qui disit mot. Mais disoient tout ensemble, nous ne sarions que dire, monsg' a si bien dit que l'en ne saroit nepensser ne dire mieulx. Chacun estoit contant, et si estoient bien ioyeulx que Maciot auoit le gouuernement du pais. Et led. seigneur le fit pour ce qu'il estoit du nom et de la lygnée. Ledit seigneur ordonna ceulx que [il] vouloit

auoir auecquez lui à Romme ; mess* lehan le Verrier, son cliappelain, curé de Rubicon, vout aler auecquez led. seigneur, iasoit que le dit seigneur eut bien voulu qu'il fut demeuré, mais il pria monsg^ qu'il lui tint compagnie. Il print lehan de Bouille, escuyer, et yj autres de sa maison, et non plus ; Tvn estoit cuisinier, l'autre estoit varlet de chambre, pallef renier ; chacun auoit son office. Et quant se vint au xv* lourde desembre, led. seigneur se mist en mer en l'vnne de ces barges, et l'autre barge il la laissa à Rubicon, et charga ledit Maciot que le plus tost qu'il pourroit apprès pasquez passées, il renuoiast lad. barge en Normendie à Herfleu, et qu'il la chargast des nouuiautez du pais, et qu'il n'y eut point de faute.