DU ROSSIGNOL ET DE L’'OISELEUR

Le Rossignol sur ung Chesne chantoit, Se desgoysant ainsi qu'il a d’usaige.

Pres de ce lieu ung Oiseleur estoit, Qui aux fillez le Rossignol guettoit, Pour le manger en rost ou en potaige :

I] lui feit paour; le Rossignol vollaige Se meit en fuyte, aux rethz fut arresté; Donc lOiseleur le print à ce passaige.

Qui trop se haste est estimé peu saige Quand tumbe aux las où il est aguetté.

Le Rossignol prie à cest Oiseleur De le lascher; car peu de chose il monte * Pour tel mangeur et si grand avalleur, Et qu'aultre oyseau de plus grande valleur Prendre pourroit; lOiseleur n’en tint compte, Mais respondit : « Ce me seroit grand honte De te quitter, certes tu en mourras; Par fol espoir, qui l’imprudent surmonte, Je ne croiray en parolle si prompte.

Mieulx vault ung tien que deux fois tu lauras. »

LES FABLES