DU REGNARD ET DU BOUC

Ung fin Regnard et ung Bouc s’en allèrent Boire en ung puys auquel ilz devalerent ; Après avoir bien beu leur saoul tous deux, De leur sortir furent assez doubteux;

Mais le Regnard, garny de sa cautelle, Dict à ce Bouc une parolle telle :

« Prenons couraige apres la paour receue; J'ay advisé le poinct de nostre yssue;

Fay mon conseil, ne le mectz en arriere :

Si tu te veulx sur tes piedz de derriere Dresser debout et tes deux cornes joindre Contre le mur, d'agilité non moindre

Qu'a ung bon Cerf, d’icy je saulteray,

Et, cela faict, dehors t'en jetteray. »

Le Bouc le creut, le Regnard dehors saulte, Puis il reprint le Bouc de sa grand faulte En le mocquant et luy niant secours, Disant ainsi : « Sy tu eusses recours

. À la prudence, au sçavoir et usaige ‘?,

LES FABLES

Comme ta barbe en porte tesmoignaige, Penser devois, devant qu’entrer au puys,

Sy tu pourrois sortir comme je suis :

Car le prudent, le bien saige et bien fin,

De tous ses faictz il regarde la fin,

Et, quand il a en son esprit conceu

La fin du faict, il n’est jamais deceu, Comme en tous artz dont la fin est pensée, Avant que soit quelque œuvre commencée. »

LES FABLES