DU LOUP ET DU CHIEN

Dedans ung boys tout semé de verdure Ung Loup trouva quelque chien d’adventure Qu'il salua, l’interrogant de faict Comme il estoit sy gras et sy refaict 5*, Le Chien respond : « Je flate ainsi mon maistre, Lequel me donne assez bien à repaistre Des bons morceaulx de sa table tant grasse; Et, qui plus est, j'ay l'amour et la grace De tout chascun. — O que tu es heureux!

(Ce dict le Loup) et moy trop langoureux. »

Lors dict le Chien : « Amy, laisse ces boys, Et viens loger au lieu là où je vois, Chez mon seigneur. » Lors ilz s’en vont ensemble, Et, en allant, le Loup dict : « Il me semble Qu’au col tu as ung colier : pourquoy est-ce ? — C'est (dict le Chien) ung colier qui m'opresse, Et qui resiste à la ferocité Que je soulois avoir en liberté.

Le temps passé je soulois les gens mordre,

LES FABLES

Mais mon seigneur y a mis si bon ordre

En m'enchaynant, que j'en suis bien plus doulx. — J'ayme mieulx estre au boys avec les Loups (Ce dict le Loup), en liberté planiere

Qu'’estre captif en si dure maniere :

Certes l'amour de ton maistre est trop rude, Je ne veulx point de telle servitude. »

Petit seigneur sur peu est plus notable Qu'ung grand subject repeu en riche table.

LES FABLES