DU REGNARD ET DE LA CIGOIGNE

Le fin Regnard convia de souper Une Cigoigne, et, pour mieulx la tromper, Sur ung tranchoir luy mist de la bouillie, De son long bec ne la pouvoit happer, Mais luy, qui n’a en finesse son per, En la lechant sa pance en a remplie.

Lors s’en alla la Cigoigne abusée, Et pense d’estre aultre fois plus rusée, Et s’elle peult Iuy rendre la pareille :

Car jeu pour jeu, finesse pour finesse, N'est à blasmer quand au pareil s'adresse.

De le tromper adoncques s’appareiïlle. Ung temps aprés la Cigoigne invita Celluy Regnard, vers lequel s’aquita, En luy jouant ung beau tour de maistrise; De verre cler la fiolle apresta, Et le manger dedans luy presenta, Mais il n’y a ne dent ne langue mise:

Tant seulement la leche par dehors,

LES FABLES

Sans que viande entrer puisse en son corps ; Il la void bien et meurt de fin auprés, Et la Cigoigne en prend à sa plaisance.

Ung deceveur doit noter bien exprés Qu'il est en fin deceu par decevance.

LES FABLES 57