DU LYON, DE L’ASNE ET DU REGNARD

Ung fier Lyon, ung Asne et ung Regnard

S'en vont chasser ensemble quelque part En la forest branchée :

Tant ont chassé qu'ils ont corné la prise,

Et, pour partir*° la proye ainsi surprise, Elle fut detranchée.

L’Asne qui trop d’audace s’attribue,

A chascun d’eulx le butin distribue, Dont le Lyon despit

Rugit et brait en sa fureur et ire,

Et l’Asne prend, le despece et dessire, Sans luy donner respit.

Puis au Regnard baïlla commission De faire entr’ eulx la distribution ; Lors, par prudence caulte, La moindre part à luy se reservant, De la grand part fut le Lyon servant, De paour de faire faulte.

LES FABLES

« Qui t'a ainsi (dict le Lyon ireux) | Faict sy sçavant, sy prudent, sy heureux ? »

Lors le Regnard parla,

Disant : « Le mal d’aultruy m’a enseigné, Car j'avois paour d’estre ainsi empoigné Que l’Asne que voyla. »

LES FABLES 59