Scindices. Les Scythes

LA COSMOGRAPHIE

hors de la terre. Passé l’entrée du lac, la terre est stérille, montaigneuse et piarreuse, et les gens sont maulvais, et sont larrons et grandz escumeurs de mer, et vont en fustes ’, vingt et trente ensemble; et vont en d’aultres parties desrober. Et quant ilz sont en estranges pays, ilz caichent leus fustes parmi les boys et buissons, car elles sont petites, et s’en vont guetter les chemins et prenent gens et bien et tout, et les rançonnent, et après qu’ilz les ont rançonné, leur dient : « Allez vous en gaigner d’aultre, car nous serons bientost avec vous. » Et ainsi est leur vie de desrober, et ne font aultre mestier. Et ne font point de maisons pour eulx loger, tant seullement leurs fustes. Au septentrion des Baufforanes y a une aultre génération qui s’appelle Saurromanes L La terre de ceulx cy commence depuys le Tanays jusques aux montaignes Iperborés qui sont montaignes septentrionnalles en la Tartarie, de là où mesme descend une partie de la rivière Tanays. L’on dict que ces Saurromanes descendent des femmes Almazones, lesquelles,aprés avoir perdu leurs maritz, vindrent habiter auprès de la rivière Termodante et prindent guerre avec les Saurromanes. Et après s’accordèrent que les Saurromanes viendroyent trois moys de l’an habiter avec elles, qui est apvril, may et juing, et que si elles engroussoyent et eussent filles,les tiendroyent avec elles, et si elles avoyent enffans, les nourriroyent deux ou trois ans, et puys s’en iroyent habiter avec leurs pères.

1. Petits bateaux à rames. V. Jal. Gloss, nautique, v° Fusfa.