La Colchide (Ortellius

LA COSMOGRAPHIE 235

mer, jusques à Constantinoble, s’appelle la mer Olipont, et a de longitude deux cens trente lieues, et, de lactitude, pour le droict du lac Méote, a soixante et dix lieues. Et du cousté de la rivière Boris Et six vingtz lieues de latitude. Et en oriant de ceste mer Echoine, appellée Olipont, est la mer Caspie, et y a, d’une mer cà l’aultre, six vingtz cinq lieues. Et peuvent aller par la rivière Eassis jusques à une rivière qui vient des montaignes d’Armènye et des montaignes Cascoses. Et icy se faict ung destroict lequel fault passer entre deux roches. Et icy y a ung fort chasteau qu’est pour garder l’entrée, et s’appelle le Port Cascose. Et par icy l’on peult aller à Ybèrye. Et quant Alexandre le grand de Macédoine passa le port Caspie qui est aux montaignes Caspies, il vint aux rivières Oxe " et Laxate b Icy rencontra les gens appeliez Cites et pensa avoir passé les portz Cascose. Et cecy estoit le Tanays, et jamais ne vint Alexandre jusques à ceste terre. Toustefoys il pensoit estre venu jusques icy. Et de ce chasteau les eaues courent, en occident, à la rivière Eassis, et descendent en la mer Olypont. Et passé ledict chasteau et le port, les eaues courent en oriant à la rivière appelé Cirot et de Là s’en va tumber en la mer Cachepia (on Cachepin). Passé ce port est la province d’Ybérye, et, du cousté de l’austre midy, sont les montaignes d’Arménye et les montaignes Mestes, et devers le septentrion de ladicte province, sont les montaignes Cascoses. Et du cousté d’oriant, devers ladicte province, est Albanye, et devers