Laxate. Yaxarte qui se jetait dans la mer d’Aral
4. Le Cyrus qui se jette dans la mer Caspienne. C’est le Kour actuel.
LA COSMOGRAPHIE
occident sont les montaignes d’entre Colques et Ybérye. Les montaignes d’Arménye sont devers l’aiistre midy. Et de Faultre cousté desdictes montaignes, est la province de Masques, et de Faultre cousté cFYbérye est la province d’Estoriade. Et en ces provinces et montaignes, se cueulle de For fin en abundance. La terre d’Ybérye est bien fertille à cause que la rivière Cyrot passe par elle et la tient, en toutes saisons, verte. Elle est si fertille et abundante que les gens ne travaillent comme riens. Hz sèment une mesure, elle en rend cent, et s’ilz labourent une année la terre, ilz n’ont que faire de la labourer de quatre ou cinq ans, car la racine renouvelle tous les ans, comme si on y semoit. Et ont forces vins et les plus gros raisins que (ou comme) est possible de croire, et rend ung set de vigne, cà notre usance, une baricque de vin, et ne se laboure que de trois, quatre ou cinq ans, et la taillent comme par de ça. La terre est si fertille qu’ilz ne vendent ne achètent. Ains est tout commun entre eulx, ainsi comme entre les Cites et Gétes, et dient qu’ilz sont de la mesme génération de eulx. Et ne sçavent point compter que jusques à cent. Le bestial, en ceste terre, multiplie fort. Les gens sont grandz hommes et vaillans gens. Ceulx icy et les Albanoys se assemblèrent contre Pompée quant il voullut conquester la terre d’Ybérie, et se déffendirent vaillamment. Les Ybériens qui sont auprès des montaignes d’Arménye sont de plus grande penne que ceulx icy, et s’adonnent plus à labourer la terre que les aultres, et ont de beaulx édifîices de maisons. Entre ces Ybéres et la mer Caspie, est la province d’Albanye.
Et entre Albanye et Ybérie ' , y a une montaigne qui sépare f» 84 les montaignes Cascoses. Et par la province d’ Albanye passe la rivière appellée Arragon qui est une bonne rivière grande et s’assemble avec la rivière Cirot qui passe par la terre d’Ybérye, et toutes deux entrent dans la mer Orcane. Ces gens d’ Albanye, quant ilz naiscent, naiscent blans, et tous tant que ilz ont, et sont vaillans gens, et s’appellent Albanoys et sont gens de guerre, et gardent tousjours les champs, et ont de beaulx chevaulx légiers, et ont des singuliers chiens et puissans.
Ces Albanoys font grand honneur à vielles gens ; et quand ilz meurent, ilz enterrent leurs trésors avec leurs corps, et nul ne le va désenterrer ny chercher. Et à ceste cause, ilz vivent pauvrement pour ce que nul n’hérite le bien de l’aultre. Et de l’aultre cousté du septentrion, habitent les gens appeliez Caspians, et vivent en les montaignes appellées Cascoses. Lesquelles montaignes ont forces neiges, et y en a tant que nulle personne ne peult aller vers eulx d’yver. En l’esté, aulcuns y vont en ceste manière. Hz actachent des tables à leurs piedz, en fasson de soulliers, affin de n’effondrer en la neige, et ainsi y vont. Et tout ainsi en font les Ybéres pour monter aux montaignes d’Arménie. Ces montaignes Cascoses vont depuys Albanyes droictement en montant au nord est, jusques à la rivière appellée Racon, et icy sont les portz appeliez Cascoses. Et icy dient qu’est l’are (om l’ara) et coulonne de Alexandre le Grand de Macédone, et voullent dire qu’il vint jusques icy avec son
1. En tête du folio 84 recto, 'une carte avec la légende : « La mer Orcane. »
2. L’Arragon, appelé plus bas le Racon. Sans doute pour l’Arazon, c’est-àdire l’Aras, Araxe, en Arménie.
hault (c’est-à-dire ost) et qu’il laissa cecy en mémoire qu’il estoit venu.
F» 84 V". En orient d’Albanie sont les provvinces des gens appeliez Guerreux et Massagétes qui sont entre la mer Orcane et les montaignes Cascoses, et la rivière Racon. Ces gens icy Guerreux et Massagétes ne cueullent point de bled ne vin, et vivent de lait de jumens meslé avec sang de cheval et d’aultres bestes. Car ilz ont forces chevaulx et jumens et aultres bestes saulvaiges, et sont gens qui ne communicquent avec nulles gens, et ont continuellement guerre avec leurs voisins. Del’aultre cousté des montaignes Cascoses, devers le septentrion, sont les provinces des gens appeliez Nomades qui sont gens qui vivent parmy les champs avec le bestial et sont pasteurs. Et plus au septentrion de ceulx icy, sont les gens appelez Amazones, qui sont gens de guerre, et sont tous dessoubz la subgection du grand Tartre. Et de ceulx icy, il y en a plusieurs histoires. Ces Amazones tiennent, du cousté d’occident, les Sauromates. Et les Sauromates et Amazones viennent tous d’une génération, et dient qu’ilz viennent des Amazones, femmes du temps d’Hercules et de la mesme nation de Hercules qui eust habitation avec la royne d’elles. Et plus au septentrion de ces Nomades, à la descente des montaignes appellées Perborées, sont les provinces des gens appeliez Yppohigues et Cites. De ceulx icy, Yppofagues et Cites, en y a beaucoup de génération entre eulx et la Indie oriental, comme en avant se dira. Et, comme j’ay dict, tout cecy est Tartarie. La plus grande partie de ceste nation vivent en commun, et sont, pour la grande part, tous pasteurs, et n’ont point de maisons et habitent en cavernes comme fourmiz, et
LA COSMOGRAPHIE 239
sont grandz ar chier s d’arcs, et ne labourent point leurs terres, et ont forces bestial de toutes sortes. Les ungs habitent aux montaignes en cavernes, et les aultres en bas, aussi en la mesme sorte, et vivent cent et six vingtz ans sans jamais estre subgectz à maladie et ne meurent que de viellesse, et quant ilz sont mortz, ilz ne se consomment de vingt ans. Plus en oriant de ceulx icy, auprès des montaignes Perborées sont les provinces des gens appeliez Trogodites et des gens appeliez Celles blesquelz aussy habitent en cavernes à cause du grand froig. Et ces montaignes sont si haultes que la clairté n’y fault jamays, tant de jour que de nuict. Hz ont tousjours lumière, et est bon à croire, car ilz sont près du polie articque Là où, en tout temps, il y a lumière, posé que le soleil voise de l’aultre coustè. Et icy est la fontaine Cascose, laquelle l’on dict quelle a vertu de toutes sciences et de faire le viel jeune, et aulcuns l’appellent la fontaine de Jouvence Toutesfoys son vraynoniest Cascose, et client quelle est si bonne, que ceulx qui en boivent, ne sçauroyent jamais boire aultre chose, et est faicte par art magicque, et semble de toutes coulleurs. Et y a une piarre sur le hault de la montaigne qui a quatre cens estades de longitude qui est bien de longueur dix lieues, et de latitude deux cens estades, qui sont cinq lieues et de haulteur quarente estades qu’est une lieue. Et par dessus est aussi platte que une table, et y a certains lieux pour monter bault, et sur elle y a tousjours lumière. Ladicte piarre est par les quatre vingtz
