I . Antitaurus (Ortellius
LA COSMOGRAPHIE
passe auprès de la montaigne Tauro, et va par la terre de Mésopotanaye. Et entre ceste montaigne Taure et la montaigne Antitore, est la ville d’Arménye la Grand. Toutes ces terres d’Arménye sont terres de beaucoup de bestial et herbaiges, et, en yver, mènent leur bestial à la terre de Capadosie, au long de la rivière du Tigre, qu’est terre plus chaulde et bien tempérée, et qui a forces herbaiges. En toutes ces terres d’Arménye, y a forces belles fontaines et beaucoup d’estang là où prenent les gens leur plaisir. En ceste terre, y a unglac d’huille, de quoy ilz se servent, et ne sçait l’on d’où il procedde. Toutesfoys ilz s’en servent à toutes choses, comme d’huille, et en font un grand proufîict, et en viennent beaucoup de gens. Les gens de ceste terre sont gens bien dispostz et vaillans gens, non pas tant que ceulx du septentrion. Les montaignes Taures qui sont auprès des montaignes Caspie qu’est entre Arménye et Capadoce, icy sont les Portes de fer, là où Alexandre ne peust passer, à cause des gens qui se deffendoient vaillamment, et icy se trouva vaincu. Et jusques là jamais ne l’avoit esté, car ilz lui tuèrent et blessèrent beaucoup de gens et furent contrainct de retourner. Et ne se trouve point en toutes les histoires d’Alexandre, que jamais avant ne après, il fust vaincu, sinon en ledict lieu des Portes de fer. Et par ceste terre d’Arménye passa Médée, de laquelle elle fut dame et royne par ses subtelesses et anchentemens. Ceste terre et la terre de Colques d’où fut Médée, est tout ung langaige et une coustume, et tout est ung. En la ville d’Arménye se font forces draps de soyes, et draps d’or, lesquelz ilz appellent bourcades. Retournant à la mer, je dictz que du port d’Orcanye jusques au port deTrope-
F° go r“.
LA COSMOGRAPHIE
sonde qu’est en Capadoce, y a trente lieues et la coste gist l’est nordest et ouest surouest et est à quarente huyt degrez et demy de la haulteur du polie articque. Et en ceste coste, à l’austre midy, est la province de Gallacie, et est joignante de la province de Capadoce. Et ceulx de Gallacye viennent de la génération de Grèce et de Françoys. Ceste terre fut au Roy Anténor, au temps passé. Et après luy, la posséda longtemps Rome. Et de Troppisonde jusques au port de Semise, y a quatre vingtz cinq lieues. La couste gist l’est et ouest. Semise ^ est par les quarente huyt degrez et demy de la haulteur du polie articque, ainsi que le port de Troppesonde, et est, entre les deux, Chérisonde et le port de La Lerne. Et en ceste coste, auprès de Troppesonde et de Gallasie, est la province de Ponthe, et auprès de Chérisonde est la province des Turquemans, et celle de Créthe, et celle de Semise. Ces Turquemans vivent parmy les champs avec leur bestial et sont bons chevaliers, et ont de beaulx chevaulx légiers, et ne sont guéres en ung lieu, et courent manger les champs, car ilz n’ont point d’habitations certaines, et vivent en la mesme manières comme Allarves en Affricque. Et toutes ces terres sont de Turquemans. Plus avant, en occident de Semise, est le port de Samastre. Et icy est la ville où F» 90 V». sainct Biaise fut martirisé. Entre Semise et Samastre, y a deux capz, et entre capt et capt descend une grande rivière qui vient des montaignes Antitores, et au long ceste rivière est la cité de Nicèe en laquelle fut le conseil contre Arrians, laquelle cité èdifîia le Roy Antigone auprès du lac appellè Estanys
