I. Semizus (Ptolémée

LA COSMOGRAPHIE

(ou Estany) ' ; et d’icy furent beaucoup de philosophes du temps passé, lesquelz escripvérent maintes bons livres tant en métrés que en proses. Et d’icy a esté Sénocrates et Dyonise. Et du cap de Samastre jusques au destroict de la mer Ponticque, y a cinquante lieues, et la couste gist l’est et ouest, et prent un quar de norouest et suest. Et ladicte entrée du destroict de la mer Olipont est par les quarente six degrez et demy de la haulteur du polie articque. Et en ceste coste y a de bons portz et de bonnes rivières. Auprès de Samastre est la province de Gallasie et, plus avant, celle de Bitinye. Et auprès de l’entrée de la mer Olipont est la province de Nicomédie, ét toutes ces terres sont bonnes terres fertilles, là où il se cueullent forces soyes, et ont de bons fruictz et de belles piarres pour faire édifhces. Ceste terre est celle que l’on appelle la Pagonye, et est joincte avec la terre de Ponthe, et avec Calcédonie. Du cap de l’entrée de la mer Olipont jusques à la terre de Ponthe y a quarente lieues, et la couste gist nordest et surouest. Et en ceste coste, du cousté d’Azie, fait la mer une grande entrée et un grand goulfe contre la terre d’Azie, et y a bien vingt et cinq lieues de mer, et s’appelle mer Ponticque, parce quelle est entre les deux caps. Et ceste icy est la vraye mer appellée Ponticque Et au cap de ceste entrée, y a de bons portz, et le meilleur est le cap appelé Lupente qui est à quarente quatre degrez et demy de la haulteur du polie articque. Et de la fin de la mer Ponticque jusques au cap d’Arménye y a douze lieues. Et icy se fai et une baye comme ung port, et icy descendent deux bonnes