Des conils, c’est-à-dire des lapins

Maurétanye, laquelle aultresfoys a esté fort renommée par tous les cosmographes. En leur adviz,ilz la tenoyent F» ii8 V». pour la fin du monde. Et, en orient de cestuy cy, est la province de Atingétanye L Et en occident d’elle, est la mer Attalantique. Ces provinces sont très fertiles de pain, vin et de toutes autres choses, nonobstant que les gens de la terre ne boy vent pas ledict vin, car leur loy le deffend. Et en ceste terre y a set de vigne aussi gros que le corps d’un homme, et à grand penne le peult embrasser ung homme, et meullent les raisins d’iceulx pour les manger, et n’en font point de vin. Et les raisins sont de la longueur d’une demye aulne. Et y a forces palmes portans dattes qui est ung fruict fort bon à manger ; et y a de belles rivières et de beaux estangs esquelz se nourrissent cocodrilles et plusieurs aultres gendres de poissons. Ceste province de Marotanye achève aux montaignes Claires, et y a en elle de l’herbe prépote qui est une herbe contre poisons. De laquelle herbe Alexandre guérist Tholomée quant il fut blessé de la fleiche empoisonnée. En ceste province de Marotanye, y a de beaulx chevaulx légiers, des plus beaulx de toute la Barbarye, lesquelz nous appelons genetz. Et sont fort bons et légiers et de grand penne. Et en ceste terre y a forces chameaux et buffles, et y a grande quantité de bestial et des plus beaulx moutons que l’on sçauroit veoir, car ilz ont cinq quartiers, et est le quartier de la queuhe meilleur que les aultres. Tous les gens d’Affrique sont Mahométistes et prenent des femmes tant qu’ilz veullent; du moins leur loy permect qu’ilz en ayent sept, et les seigneurs quatorze, et les princes et roys vingt huyt. Et leur