Cap Blanc à la limite du Sahara et du Soudan

LA COSMOGRAPHIE

Et passé le cap Blanc est le goulphe de Argiiin et les bancs d’Arguin lesquelz durent bien quarente lieues de long et de large. Et qui veult aller à Arguyn, il faut entrer par le cap et par les baptures et aller au long une coste blanche. Auprès de la terre va tout du long une bande de isletz lesquelz vous lairrez entre vous et la terre. Et du cousté devers la mer vous demeureront les baptures. Lesquelles baptures durent depuys le cap Blanc jusques au cap de Targe ", et sont instituées norouest et suest et prenent ung quart de l’est et ouest ; et sont depuys dix neuf degrez et demy jusques à dix sept et demy de la haulteur du polie artique. Et ont quarente lieues de longitude et vingt de latitude, et sont vingt lieues au dedans de la mer. Et du cap de Targe où s’achèvent les basses d’Arguyn, jusques cà la rivière de Sanaga ^ y a cinquante lieues, et la coste gist nord et su. Et, de Sanaga au cap de Vert, y a vingt et cinq lieues, et la coste gist nordest et surouest, et prent ung quart de l’est et ouest. Sanaga est une bonne rivière, grande, et sont les gens d’icelle terre, belles gens et grandz et sont tous noirs. Cecy est la province de Jalloffe •+. Ladicte rivière est par les quinze degrez et demy de la haulteur du polie artique. Et icy s’achève la terre basse et commence la terre haulte du cap Vert. Entre cette rivière et