Iguanes

LA COSMOGRAPHIE

les gens idolastres et sont bonnes gens et ne font point de mal si on ne leur en faict. Du cap de Palme au cap des Trois Poinctes ^ y a cent douze lieues. La route gist l’est et ouest et prent un petit de nordest et surouest. Le cap des Trois Poinctes est par les quatre degrez et demy de la haulteur du polie articque, et la rivière des Paniers et le chasteau de la Myne ^ sont par les cinq degrez de la haulteur du polie articque. Et, depuys le cap Vert 'et jusques au cap des Trois Poinctes et jusques soubz la ligne, est appellée la coste de la Guynée. Et est tout appellé Affrique. Et de la ligne à Faustre midy est la terre d’Estiope. Et en ceste terre se captivent les ungs les autres, en sorte que le père vend le filz, et le filz le père, et le frère son frère ; et les changent pour manilles de cuyvre et de plomb et de draps de coulleurs. Et prenent aultant de femmes qu’ilz veullent et les achètent. Et en ceste coste ne cueullent point de bledz, et mangent du rix et des racines, et beuvent vin de palme, lequel est très bon quant il est fraiz. Et du cap des Trois Poinctes jusques au chasteau de la Myne y a vingt lieues, et la coste gist nordest et surouest et prent ung quart de l’est et ouest. Et est le chasteau de la Myne par les cinq degrez de la haulteur du polie artique. Et en ce chasteau de la Myne apportent les nègres l’or de dedans de la terre pour changer en draps de coulleurs, manilles de cuyvre et coquilles rouges et aultres choses qui ne sont pas de grand valleur. Et ce chasteau est situé sur ung rochier au long la terre,